Azalpenezko testu entziklopedikoaren azterketa eta ... - Euskara

335
Kohesioaren barnean analizatu dugun arren, hona hemen fabrikazio
prozesuaren urrats honetan gai berria (urazukretan kontserbatzen diren
mertxikak) sartzen duten ekoizpenen datuak. Alderdi honetan %25
aurrerapena egin da aurretestutik ondotestura talde esperimentalean eta
%20koa kontrol taldean. Beraz, A taldekoek Bkoek baino gehiago ikasi
dute esperimentazio aldian.
7.25. taula:
Muxikak urazukretan gaia sartzen da (tema berria sartzen da)
A1 A2 B1 B2
N=20 % N=20 % N=20 % N=20 %
Jarraipen tematikoa bai 0 0 5 25 0 0 4 20
Jarraipen tematikorik ez 6 30 11 55 10 50 8 40
Gai berria sartzeko hiru era dira nagusi: azpititulu bidez (44),
perpausa metadiskurtsibo bidez (45) eta anafora nominalen bidez
(errepikapena, gehienetan) (46). Hona hemen zenbait adibide:
(44) “...Orain mertxika kontserbatzeko prest dago, batzuk urazuretan egiteko. / Muxika
Urazukretan/ Lehenengo(...)(3-B2)
(45) “(...)Mertxika egokienak urazukretan kontserbatzen dira eta besteak berriz
mamietan, mermelada egiteko. Guk urazukretakoak aztertuko dugu.(...)(3-A2)
(46) “ ...batzuk urazukretan eta besteak mamitarako./ Urazukretan edukitzeko lehenengo
poteetan..”(6-A2)
Hona hemen gai berria sartzen ez duten zenbait adibide:
(47) “batzuk urazukretan eta besteak mermeladarako sailkatzen dira. Poteetan sartu
baino lehen azken...”(1-A2)
(48) “...mertxika batzuk mamietarako erabiltzen dira eta besteak urazukretarako eta
behin betiko kalitate maila begiratu. Kalitatea begiratu eta gero...”(2-A2)
5.3. “Kontsumitzaileei oharrak” testu-atalaren tematizazioa
Analizatutako testu guztietan ez da ematen testuaren hirugarren
fasea. Ondoko taulan gogora dakartzagu kapitulu honetako 7.2. taulan
emandako datuak; bertan, ikusten dira amaiera fasea ematen duten
ekoizpenen zenbatekoa talde bakoitzean.