Azalpenezko testu entziklopedikoaren azterketa eta ... - Euskara

lanabesak (sekuentzia didaktikoa) –irakaslearen input-a barne– ; ezaugarri
horiez gain, arestian aipatu hiru eremuetako bideak praktikara eraman
dituelako, eta, beraz, prozedurak eta tresnak eskaintzen dituelako, nahiz
testu-generoak karakterizatzeko, nahiz ikasleen gaitasunak ebaluatzeko,
eta, baita, didaktikari dagokionez, praktikara eramateko ere.
Abantaila horiez gain, hizkuntzaren didaktikak ikasleen aniztasunari
erantzuteko marko egokia eskaintzen digu. Hona hemen kontuan izateko
alderdiak: proiektuen bidezko irakaskuntza proposatu, irakaskuntza
ikasleen aniztasunetik abiatu, autoerregulazioa garatzen lagunduko duten
lanabesak jarri ikaslearen eskura (bere ekoizpenak, testu sozial anitzak,
kontrol-zerrendak, ikaskideen oharrak, etab.), jarduera didaktikoak
dibertsifikatu, eskuhartze mailak dibertsifikatu, etab.
Testu pedagogiak hiru zutaberen gainean eraikitzen du hizkuntzaren
didaktika: irakatsiko den testu-generoaren funtzionamendua, ikasleen
garapen prozesua –ikasleek hizkuntzarekin egiten dakitena– eta
hizkuntzaren kudeaketa edo irakaskuntza / ikaskuntzaren praktika. Aipatu
hiru eremu horiek elkarren osagarriak dira eta elkarri begira daude (batek
ezin ditu besteak alde batera utzi).
Marko teoriko honen barnean irakaskuntza/ikaskuntzaren inguruan
egiten diren ikerketak eta behaketak, salbuespenik gabe, ikaskuntza
gertatzen den toki sozialean bertan egiten dira. Horrekin esan nahi da
ikerketak egiteko ez dela “laboratorioko” kontestu artifizialik sortzen;
aitzitik, eskola markoan (ikasgelan, talde osoarekin eta ikaskuntzarekin
zerikusia duten jardueretan arituz) egiten direla ikerketak.
Esandako guztiak koherentzia ematen dio testu-pedagogia deituriko
korronte honi. Taldeak berak hiru eremuetako lanak bereganatu ezezik
eremu batetik bestera joateak eredu teorikoari berari ematen dion
koherentzia eta loturagatik ere.
5. Aurrera begira proposatzen diren ikerlerroak
Ondoren, ikerketarako interesgarriak iruditzen zaizkigun zenbait ildo
aipatuko ditugu. Ildo horiek bi multzotan banatu ditugu: euskararen
funtzionamendua hobeto ezagutzeko multzoa eta euskararen irakaskuntza /
ikaskuntzaren mekanismoak hobeto ezagutzeko multzoa.
Euskararen funtzionamendua hobeto ezagutzeko:
388