Azalpenezko testu entziklopedikoaren azterketa eta ... - Euskara

333
Hona hemen serie itxi honetako konbinaketak eta ikasleek egiten
dituzten errakuntzen zenbait adibide:
Batzuk eta besteak ematean ikusi diren konbinaketak:
(25) “Batzuk urazukretarantz abiatuko dira eta besteak mamirantz (16-A2E) `[batzuk (rantz+
aditza) eta besteak (-rantz +φ)]
(26) “Mertxika egokienak urazukretan kontserbatzen dira eta besteak berriz mamietan,
mermelada egiteko” (3-A2E) [izen-sintagma + (-tan + aditza) eta besteak (-tan+φ)]
(27) “Batzuk mamitarako utzi besteak, berriz, azukretarako” (19-A1E) [batzuk (tarako+aditza)
besteak, (antolatzailea), (-tarako+φ)]
(28) “Batzuk urazukretan kontserbatzen dira eta besteak mermelada egiteko
erabiltzen dira.” (13-A1E) [batzuk (-tan+ aditza) eta besteak (-ko+ aditza)].
(29) “Batzuk urazukretan kontserbatzen dituzte, besteekin, berriz, mamia egiten dute...”
(11-A2E) [batzuk (-tan+ aditza) besteekin (antolatzailea), (-a+ aditza)]
Ikus daitekeenez, bi perpausetako aditzen osagaia deklinabideko
kasu berean daudenean aditzaren elipsia egiten da bigarren perpausan (25,
26eta 27 adibideak). Aditzaren osagaia lehen perpausatik bigarrenera aldatzen
bada deklinabideko kasua, aditza ez dago elipsian (28 eta 29)a, esaterako.
Hona hemen, adibide modura, tankera honetako serietan gertatu ohi
diren errakuntzak eta, ondorioz, didaktikarako alderdi honek eduki
dezakeen interesa.
(30) “Batzuk kontserbatu egiten dira eta beste batzuk mamia egiten dute.” (9-A1E)
(31) “Zazpigarrena, batzuk mermelada eta besteak postre melokotoira” (18-A1E)
(32) “”Batzuk urazukretan eta beste batzuk mamia egiteko erabiltzen dira” (8-A1E)
Bi taldeko ekoizpenetan analizatzen ari garen ezaugarri guztietan
bezalaxe, honetan ere B1eko ekoizpenetan A1etan baino puntuazio hobeak
aurkitu ditugu. B taldeko ikasleek Akoek baino hobeto gordetzen dute
komunztadura aipatu perpausen artean. Eta ikusten ari garen bigarren
konstantea ere hemen dugu berriro: A taldeko ikasleek Bkoek baino
gehiago ikasi dute esperimentazio epealdian komunztadurari dagokionez
(A2koek +%45etan hobetu dute aurretestutik ondotestura; B2koek, berriz,
+%10an). Aipagarria da alderdi hau ez dela SDan landu, beraz, hobekuntza
kolaterala deritzona dela uste da.