Azalpenezko testu entziklopedikoaren azterketa eta ... - Euskara

zein gaztelerarako. Baina badira bateragarri diren beste zenbait
proposamen didaktiko, besteak beste, “jardueren” bitartekoak
(atazak) (Candlin, 1990; Breen, 1990; Estaire eta Zanon, 1990;
Zanon eta Alba, 1993) eta proiektuen bitartekoak edo curriculum
sekuentzialen bitartez.
3. Ekonomiaren eta eraginkortasunaren izenean, curriculumeko
hizkuntza bakoitzean jarduera ezberdinak egitea proposatzen da.
Horregatik, hizkuntza guztiak modu bateratuan programatu
behar dira, hizkuntza bakoitzaren berezitasunak landuz eta
hizkuntza batetik bestera transferi daitezkeen edukiak erraztuz.
Ildo beretik doa Euskadiko Autonomia Erkidegoaren Derrigorrezko
Bigarren Hezkuntzarako Oinarrizko Curriculum diseinuaren
metodologiazko orientabideak (1997); hona hemen bertatik jasotako
zenbait aipamen:
“Hizkuntza guztiak (euskara, gaztelania, atzerri hizkuntza) integraturik,
curriculum proposamen bateratua egiten da”(13. or.)
“Gaur egun eskola-curriculumean dauden hizkuntzek enfoke homogeneoa izan
behar dute:
-Hizkuntza guztiak besteekiko elkar-eraginean ikasten baitira, esanahiaren
negoziazio-prozesuen bitartez. Prozesu horiek hizkuntza guztietan antzekoak
dira.
-Edozein hizkuntza ikasteko estratejiek eta prozesuek pertsonak dakizkien beste
hizkuntzetan eragina dutelako.
-Hizkuntzari buruzko gogoeta-esparruak amankomunak direlako. (...)” (Eusko
Jaurlaritza, 1997, 13. or.)
Ondorioak
Kapitulu honetan ezarri nahi izan ditugu didaktikaren
berrikuntzarako ezinbestekoak diren zenbait nozio. Nozio horiek era
laburrean gogoratuko ditugu: lehendabizikoak zerikusia du edozer
eskuhartze didaktikoren aurrean egin behar den aukeraketarekin: zeintzuk
dira nire erreferente teorikoak? Eta honekin batera, zeintzuk dira
irakaskuntza/ikaskuntzarako edukiak?
Hizkuntzaren didaktika oso jarduera konplexua da, erreferente
ezberdinetara jo behar duelako mailegu eske, besteak beste:
- jakintzen arlorako, erreferentziazko zientziara eta praktika
sozialetara
- ikaskuntzaren arlorako, psikologia eta psikolinguistikara
- didaktikaren arlorako, pedagogia orokorrera
- diziplinaren arlorako, historiara (diziplinaren historia),
soziologiara,...
82