Azalpenezko testu entziklopedikoaren azterketa eta ... - Euskara

Anaforak analizatzerakoan bezalaxe, hemen ere, kontrol taldeko
emaitzak talde esperimentalekoak baino hobeak dira. Kontrol taldeko
ikasleek 3,69 arau-hauste egin dituzte 100 hitzeko, eta talde
esperimentalekoek 5,53 (ikus 7.16. taula eta 7.6. grafikoa).
Aurretestutik ondotestura izandako ezberdintasunetara etorrita, (ikus
7.6. grafikoa) talde esperimentalak hobekuntza nabaria izan du. Kontrol
taldean, ostera, ez da ia hobekuntzarik izan.
7.16. taula:
Arau-hausteen dentsitatea (%tan) aurre eta ondotestuetan.
Batez beste Muturreko balioak
A1 5,53 0,92 – 11,69
A2 2,68 0,46 – 6,09
B1 3,69 0,50 – 11,76
B2 3,45 0,85 - 11,11
Horrekin esan gura da tailer bakar batean (ikus SDa 3. eranskinean)
kohesioa landu izanagatik honelako aurrepausoa ikusi bada, hobekuntzak
areagotu egingo direla beste sekuentzia didaktiko batzuetan alderdi hau
landuz gero.
Taularatutako datuen arabera, A1etik A2ra arau-hausteen dentsitatea
jaitsi egin da (-% 2,85) eskuhartze pedagogikoa aplikatu ondoren, eta,
horrez gain, muturreko balioak ere jaitsi egin dira nabarmenki [aipagarria
da balio altuenaren jaitsiera (–5,6)]. B taldean, berriz, eskuhartze
pedagogiko espezifikorik ez dagoenez, aurretestu eta ondotestuen
dentsitatearen arteko aldea oso txikia da ( -0,24). Horrez gain, aipagarriak
dira muturreko balioak, ez baitira ia aldatu. Berriro ere egiaztatuta gelditu
dira 6. eta 7. hipotesiak (ikus “Lanerako metodologia” I. kapituluan).
Arau-hauste moten banaketa modu beretsuan ikusi da lau
ekoizpenetan. Salbuespen bakarra A2 taldekoa dugu, bertan inbertitu egiten
baitira lexiko arazoak eta erreferentziazko anbiguitateak. Hona hemen arauhauste
hurrenkera, gehien egiten denetik, gutxienera: aurrekari inplizitua >
komunztadura arazoak > lexiko arazoak >erreferentziazko anbiguitateak.
Hona hemen adibide bana:
(1) “(..) Kalitatearen eta prezioaren erlazioa ere egon behar da. Guztatu bazaie marka
aldatzea zaila egingo zaiei....” (12-A1) (aurrekari inplizitua: nori gustatu?)
322