Azalpenezko testu entziklopedikoaren azterketa eta ... - Euskara

duen arazoen definizioan dago honen erantzuna: matematikak eta atzerriko
hizkuntzak argi daukate konpondu beharreko arazoen izaera; ama
hizkuntzaren irakaskuntzak, aldiz, ez. Lehenik eta behin, ikaslearen
arrakasta zertan den definitu beharko genuke. Aipatu autorearen hitzetan,
arrakasta ez dago hizkuntzaren ezagutza konsziente eta egituratuari lotua;
aldiz, beronen arrakasta neurtzeko, hizkuntzaren helburu historiko eta
kulturaletara jo behar da. Beraz, hizkuntzalaritzan eta psikologian
bakarrik oinarritutako proiektu pedagogikoak ezin du didaktika bat
osatu. Horra hor hurrenez hurren izan diren erreformen porrotaren zergatia
(Bronckart, 1988). Bi zientziotan oinarritutako didaktikaren osagabetasuna,
arestian aipatu didaktikaren definizioan oinarritzen da: didaktika, zientzia
konprentsiboa izateaz gainera, helburu emankorrak eskuratzeko
bideratutako teknologia ere bada. Beraz, helburu emankorrak eskuratzera
eramaten ez duen proiektuak ezin du, esandako hitzetan, didaktikarik osatu.
Honen aurrean, 3. belaunaldiko didaktika sortzen da. Hizkuntza
didaktikaren kasuan pedagogoak dira gai honi soluzioa aurkituko diotenak.
Hona hemen, labur-labur, berrikuntza honen oinarriak: 1) helburuen
garrantzia, 2) hizkuntzaren estatus sozio-historikoa eta 3) ordura arteko
didaktikaren kontzeptuek izaniko kontraesanak.
Honela, bada, hirugarren bide honetan bi puntu nabarmentzen dira: 1)
eskola-materiaren egoeraren analisia (gizarteak espero duena, instituzioaren
helburu zehatzak eta eskola-praktika eraginkorrak) eta 2) bi eskuhartzemota
ezberdinak: a) praktiken teorizazioa eta b) irakasteko praktiken
aldaketak.
Modu honetara, ekintza-estrategia berriak eta anitzak definitu eta
esperimentatu egiten dira, eta ondoren, horien arrakasta ebaluatzen da.
Didaktikaren azken modu hori teknologia bezala aurkezten da. Aldi
berean hiru eremu batzen duen teknologia: kulturala, espezifikoa eta
autonomoa.
-Kulturala: eskola materiaren irakaskuntza-egoeraren ezaugarri soziokulturalak
kontuan hartzen dira.
-Espezifikoa: bigarren belaunaldiko didaktek ez bezala, hauek ez dute
erreferentziazko zientzien aplikazio hutsa egiten; aitzitik, ezagutza
zientifikoak arlo pedagogikora transferitu eta egoera berrira egokitzen
dituzte, ekintza estrategia berriak sortzeko asmotan (Transposizio
didaktikoa).
38