Azalpenezko testu entziklopedikoaren azterketa eta ... - Euskara

1.16 eskema:
Structure d´un module didactique (Bain eta Schneuwly, 1993)
Structure d´un module didactique
- Présentation et motivation du module
- Evaluation préalable* (par ex. À partir de la production d´un texte)
- Elaboration du contenu et de la forme
- Production d´un texte (ou, selon les cas, révision ou réécriture)
- Evaluation d´etape*
*selon l´etape dans la séquence, l´évaluation finale d´un module peut constituer
l´évaluation préalable du module suivant.
5.4.Ebaluazioa
Ezin uka ebaluazioa SDaren puntu garrantzitsua dela; horregatik aparteko
atala eman diogu bere aurkezpena errazago egiteko asmotan. SDan
integratzen den ebaluaketa "Ebaluaketa formatibo hezitzailea" dela esango
dugu eta SDan zehar hedatzen dena –bertako osagarri modura–.
Gelan abiapuntu ezberdinetan aurkitzen diren ikasleen aurrean zer
egin da irakasle guztiei ardura zaien arazo garrantzitsua. Zer egin ikasleen
aniztasunaren aurrean? Honelako egoerak ebaluazio formatiboaren tokian
jartzen gaitu: epe motz eta luzerako hobekuntzak programatu beharrean
(Bain eta Schneuwly, 1993). Honelakoetan alderdi batzuk erregulatzeko
modurik egokiena aurkitzen saiatu behar da: batetik, irakaskuntza
–eskuhartze didaktikoa: ariketak, zuzenketak, etab.– eta, bestetik, ikasleen
aprendizaiak.
SDaren helburuez hitz egin dugunean, esan dugu helburuak
finkatzeko ikasleen aurretestuen analisitik abiatu behar dugula, horiek
markatuko baitigute ikasleen garapen hurbileko eremua. Hori da, hain
zuzen, SDan integratuta dagoen lehendabiziko ebaluazio-jarduera eta
abiapunturako datuak emango dizkiguna.
Testu-pedagogiaren markoan, eta ebaluazioari dagokionez, hiru
eskuhartze modu ezberdin ikusten dira:
1. Diagnostikoa egiteko ebaluaketa. Taulan ikusi dugun bezala,
jarduera honetarako fase berezia presta daiteke (aurretestua, testa,
galdeketa, etab.).
2. Eskuhartze erregulatzaileak (zuzentzaileak). Horiek jarduera
ezberdinen bitartez gauzatzen dira sekuentzian zehar: ekoizpen
74