Azalpenezko testu entziklopedikoaren azterketa eta ... - Euskara

319
Kategoria honetan aurkitu ditugun anafora ia gehienak aditzondoak
dira: moduzkoak (horrela, honela,...), tokizkoak (han, bertan,...),
denborazkoak (orain,..), helburuzkoak (horretarako,...) eta kausazkoak
(horregatik,..). Hona hemen adibide bikotea:
(105) “..Ontzikia itxi egiten dute ondoren mari-bainoan jarriz, 115º-tan estirilizatzen
dira, horregatik etxeko kontserbak egiterakoan kontu handia izan behar da,
horretarako, ondo kontrolatzen dira: edukiak, iste lanak,...(...)”(12-B2)
(106) “Fruitu gehienak ezin dira urte osoan eduki eta horretarako kontserbatu egin
behar dira.(...)”(10-A2).
3.4. Perpausa metadiskurtsiboak
Perpausa metadiskurtsiboak testu fase batetik besterako pasadizoan ematen
dira gehienetan eta aldi berean testu-atal osoa antolatzen dute; horrez gain,
gaia aurkezten dute testuan 140 . Hona hemen adibide bikotea:
(107) “...denak ikusi egiten dira egoera onean dauden jakiteko. Honela fabrikazio
prozesua hasten da./ Lehenengo...(...)”(1-A2)
(108) “...(...)Orain mertxikaren prozesua azalduko dizuet:/ Lehendabizi(...)(2-A2)
Anafora mota hau guztien %2,68 da. Beraz, guztietatik gutxien ikusi
dena. Hona hemen 7.15. taulan lau ekoizpenetan ikusi den dentsitatea:
7.15. taula:
Perpausa metadiskurtsiboen dentsitatea lau ekoizpenetan.
A1 A2 B1 B2
Perpausa metadiskurtsiboak 0,25 0,45 0,21 0,14
Taularatutako datuen argitan esango dugu lau ekoizpenetan oso
errepresentagarritasun txikia duela mekanismo honek. Halere, betetzen
duen funtzio garrantzitsua kontuan izanik, aipagarria da talde
esperimentalean ematen den gehikuntza aurretestutik ondotestura.
Aurretestuan 5 ekoizpenetan erabiltzen da; ondotestuan, berriz 12
ekoizpenetan. Kontrol taldean, berriz, 5etan aurretestuan eta 4tan
ondotestuan. Talde esperimentalen bilakaera deigarria da, ez baita
espezifikoki alderdi hori landu SDan.
140 Gogora dakartzagu kapitulu honetan 3.1. puntuan perpausa metadiskurtsiboaz esandakoak: 1) talde
esperimentalean izaniko perpausa metadiskurtsiboaren hazkuntza aurretestutik ondotestura.2) mekanismo
honen balioaniztasuna (konexio eta kohesio mekanismoen aztarna) eta 3) prozedura hau erabiltzeko behar
diren trebetasunak.