Azalpenezko testu entziklopedikoaren azterketa eta ... - Euskara

257
(7) “ Behin sortasun aldia amaitu eta gero, mastozito sentsibilizatuak
alergenoarekin bigarren aldiz harremanetan jartzen hasten da aldi hau.
Mastozitoen mintzean elkarren ondoan...” (Alergia, LET, 53. testua)
(8) “(..) etengabeko dardarrean dago makina. Makinaren bukaeran paperak ....”
(Papera, EHE, 42. testua)
(9) “...zelula horien zatiketen kariaz eratzen eta hazten da nodulua. Bakterioen
infekzio eremua eta noduluaren hazkuntza eremua,...” (Noduluak, LET, 27.
testua)
(10) “...Horregatik zehaztuko da potentzialak zein lekutan hartzen duen zero balioa.
Komeni da potentzialaren zeroa eroale batean egotea,...”(Energia
kondensadoreetan, LET, 26. testua)
Beste zenbait kasutan termino beraren errepikapena anbiguitatea
saihesteko erabiltzen da. Hona hemen zenbait adibide:
(11) “Oihalaren sarea oso itxia denez, oreari eutsi egiten dio eta orea drenatu egiten
du....”(Papera, EHE, 42. testua)
(12) “Okintzan funtsean hiru aldi bereizten dira: orea osatzea, orea legamiaz
harrotzea eta labean erretzea.”(Ogia LHE, 6. testua)
(13) “Gaur egun beira optikoa ere egiten da, batez ere flint-glass eta crown-glass
motak, arragoa bakarra duen labean, eta bertan egoten da beira hoztu
arte”(Beira, LHE, 7. testua)
(14) “Irteerako zuloan zentraturik eta zuloa baino txikiagoa den pieza ...”(Extrusioa,
PE, 13. testua)
Enumerazioetan ere errepikapena erabiltzen da:
(15) “ Erradiaktibitate bidez markatzeko teknikak, zati jakin bat hausteko
teknikak eta elektroforesi teknikak dira metodo erabilienak” (DNAren
sekuentziazioa, LET, 32. testua)
Laburbilduz, esan dezagun, termino beraren errepikapenak honako
funtzioak betetzen dituela aztertutako testuetan: 1) gai berria tematizatzea;
2) errepikatzen den gaiaren zehaztasunak tematizatzea: ezaugarriak
(potentzialaren zeroa, esaterako), atalak (makinaren bukaeran, mastozitoen
mintzean, esaterako); 3) aurrekariaren identifikazio arazoak ekiditea; 4)
zerrenda bateko aleak izendatzea.