Azalpenezko testu entziklopedikoaren azterketa eta ... - Euskara

317
(88) (...)Erdoilduta daudenean sarrailduta daude eta kiratsa darie eta hori ez jan ezta
erori ere ez da egin behar(...)(8-A1)
3.2.2.Izenordain eta izenondo posesiboak
Gehienetan muxikaren ezaugarri edo propietate bat adierazteko erabiltzen
da izenorde posesiboa. Gutxi batzuetan pluraleko 2. edo 3. pertsonako
izenordain posesiboa ikusi da. Kasu hau beti 3. testu-atalean ematen da
(gomendioen atalean).
Hona hemen kontserbatzeko-prozesuan ikusitako zenbait adibide:
(89) (..)Muxikaren kontserba oso preziatua da, honen prozesua zuhaitzean dagoen
momentutik hasten da, hauetatik egokienak aukeratuz, gero lantegira eramaten dira,
ongi iritsi diren konprobatzeko.(...)(3-B1)
(90) (...)Prozesua fruta zuhaitzean dagoenetik hasten da gero fabrikara heltzen
denean bere lehen urratsa garbitzea da. (...)(2-B1)
(91) (...)1. Fruta zuhaitzetik hartu hoberena. 2.- Fabrikara eraman. 3.- Oso ondo
garbitu. 4.- Beraien kalitatea begiratu. 5. Tamaina desberdinetan sailkatu(...)(2-A1)
"Kontsumitzaileei oharrak" testu fasean ikusitako zenbait adibide:
(92) (...) Gure kontserba erosketan kontu handia izan behar dugu.(4-A2)
(93) (...) kontserba batzuk herdoilduta egon daitezke eta honelako kasuan basurara
botatzea da onena, zure osasunarentzako kaltegarria izan daitekeelako. Erosketak
egiteko orduan gure gustoko fruta edo janari bat ez badago baliagarriak izan
daitezke kontserbak. (7-A2)
(94) Gure onerako gauza onak daude eta hauek tenporada ezberdinetan jaiotzen
dira.(...)(9-A1)
(95) (...)Batzutan zabaldu egiten dira eta hori gure osasunerako txarra da. (16-B2)
3.2.3.Izenordain zehaztugabeak
Analizatu ditugun testuen izaera dela eta, batzuk eta besteak izenorde
zehaztugabeak dira maiztasun handiz agertzen direnak eta ia bakarrak.
Dagokigun testura etorriz, kontserben fabrikazio prozesuaren hasieran
dauden “melokotoi guztiak” bi sailetan banatzen dira. Hona hemen bi sail
horiek adierazteko erabiltzen diren modu ezberdinak: onenak/mazpilduta
daudenak; urazukretan jartzeko erabiltzen direnak/ mermelada egiteko
erabiltzen direnak; kalitate kontrola pasatzen dutenak/pasatzen ez
dutenak;...etab. Hori dela eta, bikote horietako ale bat edo biak izenorde
zehaztugabeaz adierazten dira 139 . Hona hemen zenbait adibide:
139 Bikote horiek kapitulu honen 5.2.puntuan aztertu dira.