Numismatische Zeitschrift - Medievalcoinage.com

412 Johann \ewald: Das österreichische Münzwesen
Es solle auch Schmittmaister alle Abendt vnnd sonst allezeit, da sie von
der Arbeith aufhören, die Münz Prägstöckh vnnd Obereissen, dem Münzmaister
vnnd Wardein zue seiner Verwahrung lieffern, welche Er Münzmaister vnnd
Wardein hernach wan sie notturfftig Ime Schmittmaister nach der Zall wiederumb
vberlieffern sollen. Nicht weniger soll es auch mit den alten Stöckh vnnd
Obereissen so nit mehr zue brauchen gehalten werden.
Der Silbern - Schaupfenning sollen vnder 15 Loth fein halttent nicht
gemacht werden. Die güldene Schaupfenning so auff die Taller vnnd andere
Müntz- Eisen, sollen vnnder 23 Carat 6 bis in die 7 Gren, die anderen aber, so
auff die Schaupfenning-Eisen vnnd Stoekh gemacht werden, vnder 21 Carat
kheine verferttigt werden, doch in alleweeg aine oder die andere Sort gemacht,
durch das Feuer vnnd nit der Natl nach probirt werden.
Letzlich soll Schmittmaister die Stundten so Ime gesetzt werden, auff der
Schmitten ordentlich bedienen, vnnd ausser hochwichtigen Vhrsachen kheine
verabsäumen, oder von der Schmitten gehen. Benebens auch sein fleissiges
Abacht haben, dass die Münzsorten, dem Ime gesetzten Khorn vnnd Schrott
nach, nicht zue gering oder zue schwer noch vnsauber waiss oder verprägter
aussgehen, die Stückhelung der Münzen selber vnndt nit durch ander Leuth
verrichten, vnndt sich hierinnen nit ainichen Nachlässigkeit befunden lasse.
Im fahl ess aber allso beschehen würde, sollte Er Schmittmaister solches zu
gering
oder schwer verferttigtes Werkh auss aigenen Säckhl ohne Passirung
^iniches Abgangs wiederum!) vrabzuemiinzen schuldig sein. Es soll auch
Schmitmaister sambt allen Münz vnder Officieren, dem Münzmaister vnnd
Wardein, allen gebürlichen Respeckht vnnd Gehorssamb,
mehrer alss bisshero
beschehen erzaigen, vnnd da sie Ihm von Ambtswegen etwass andeiten werden,
demselben gebüerlich vnndt gehorsamblich nachkhomben, auch ainiche
Münz-Arbeiter er seye wer da wolle, durch Ime Schmittmaister ausser Vorwissen
des Münzmaisters vnnd Wardeins nit auff vnnd angenomben viel weniger
iibgedankht werden.
Dem Schlosser vnnd Eissenschnaider belangent soll ebenfahlss ainiches
frembdes Stöckh vnnd Eissen, Zieh vnnd Druckwerkh, Es sey auff Schaupfenning
oder ander Münz noch ander Arbeith, so in die alhioige Münz nit
gehörig ausser Vorwissen des Münzmaisters vnd Wardeinss zue machen nit
gestattet vncj eingestelt werden, sondern sie sollen die Münz fleissig mit Irer
Arbeit beferdern, die Eissen sauber vnndt guet aufs allermüglichts machen,
damit sie,
die Präger vnnd Schmitmaister, wenn das Gelt nit sauber aussgehet
sich nit zue beschweren vnnd mit Ihnen, zu endtschuldigen haben. Wann solches
aber nit geschehe, solle solche Verhinderungen an Irer Besoldung abkürzt,
vnnd sie den Schaden desswegen zu laiden haben.
Den Tiglwartter belangent, soll derselbe ainichen Menschen ainiches Lot
Sielber nit schmelzen, abtreiben oder zurecht bringen, sondern allezeit hieuor
dem Münzmaister oder Wardein anzaigen. Es solle auch ainichen Tigl zur