RELIGION CHRESTIENiNE - Archive ouverte UNIGE

DE ORAlSOft. 829
ses et en despend. Et pourtant nous devons asseurer que nous
ne serons point moins exaucez que ont esté Sainct Pierre et
Sainct Paul et tous autres Sainctz (combien qu'ilz ayent esté de
plus grande saincteté de vie que nous) si par une mesme et aussi'
5 grande et ferme Foy que eux, nous requérons Dieu. D'autant •
qu'estans au reste inférieurs à eux : nous leur sommes en cela
pareilz, que nous avons tel commandement de prier, et telle
promesse d'estre exaucez comme eux. Et Dieu, moyennant qu'il
soit invoqué de pure affection, n'estime point la valeur de l'o-
10 raison à cause de la dignité de la personne : mais seulement pour
raison de la Foy, en laquelle ses serviteurs obeyssent à son commandement,
et se confient en sa promesse. Ce que reputant David
disoit : Voicy Seigneur, tu as promis à ton serviteur de luy edi- 2. Sam. 7.
fier sa maison :• à ceste cause ton serviteur a prins ce jourd'huy 2. Parai.
iscouraige, et a trouvé occasion de te requérir. Maintenant Seigneur,
tu es Dieu : et tes promesses seront véritables. Tu as faict
promesse à tes serviteurs de leur bien faire : commence donc d'accomplir
ta parolle, en bénissant la maison de ton serviteur. Cela
mesmes considéraient les Israélites en fondant leurs requestes sur "
20 la memoire de l'Alliance faicte à Abraham : et en ce faisant ensuyvoient
l'exemple de leurs pères, et principalement de Jacob:
lequel après avoir confessé, qu'il n'estoit point capable de tant
de biens qu'il avoit receu de la main du Seigneur : neantmoins Gen. 33.
prend la hardiesse de luy en demander pour la promesse à luy
äö donnée. Mais pource que tout homme est indigne de s'adresser
à Dieu et de se représenter devant sa face : à fin de nous relever
de ceste confusion, que nous avons ou devons avoir en nous
mesmes : le Père celeste nous a donné son Filz nostre Sei- 1. Tim. 2.
gneur Jesus Christ, pour estre nostre Mediateuret Advocat en- i. Jean 2.
30 vers luy. Par la conduicte duquel nous puissions franchement Hebr. S.
approcher de luy : estantz asseurez en ce que avons .tel Intercesseur,
lequel ne peut en rien estre refusé du Père : que rien
aussi ne nous sera denyé de tout ce que nous demanderons en
son Nom. Et que le Throsne de Dieu n'est pas seulement le Hebr. 4.
3sThrosne de majesté, mais aussi de grace : auquel, au Nom de
tel Mediateur et Intercesseur, nous povons comparoistre avec
toute fiance et hardiesse, pour impetrer miséricorde, et trouver
grace et ayde, et tout ce qui nous est de besoing. Pourtant comme
il nous est commandé d'invoquer Dieu, et la promesse
Institution. 34