RELIGION CHRESTIENiNE - Archive ouverte UNIGE

814 CHAPITRE XVII.
nous avons monstre) nous sommes tous enclins naturellement. Or
tout ce que nous osterons à l'amour desordonnée d'icelle, il fauldra
le transferer à la vie celeste. Je confesse bien, que ceux qui ont jugé,
que nostre souverain bien,- seroit de ne naistre jamais; le second
5 de mourir bien tost : ont eu bonne opinion selon leur sens humain.
Carveu qu'ilz estoient Payens, destituez de la lumière de
Dieu, et de vraye Religion, que povoient-ilz veoir en la vie terrienne
; sinon toute povreté et horreur ? Ce n'estoit pas aussi sans
raison, que le peuple des Scytes pleuroit à la nativité de ses enio
fans, et quand quelqu'un de leurs parens mourôit qu'ilz s'en resjoyssoient,
et faisoient feste sollemnelle : mais ilz ne proffitoient
de rien en cela. Car pourcé que la vraye doctrine de Foy leur
deffailloit, ilz ne voyoient point, comment ce qui n'est ne bien
heureux ne desirable de soymesme, tourne en salut aux fidèles.
i5 Parquoy la fin de leur jugement estoit, desespoir. Que les serviteurs
de Dieu donc suyvent tousjours ce but, en estimant ceste
vie mortelle. C'est que voyans qu'il n'y a que misère en icelle,
ilz soient plus à délivre et plus dispoz à méditer la vie future et
éternelle. Quand ilz seront venus à les comparer ensemble, lors
2o non seulement ilz pourront négliger la premiere : mais aussi la
contemner, et ne l'avoir en nulle estime, au pris de la seconde.
Car si le ciel est nostre païs : qu'est-ce autre chose de la terre,
qu'un exil et bannissement : si le département de ce monde est
une entrée à vie : qu'est-ce autre chose de ce monde, qu'un Sepul-
2ä ehre ? et demeurer en icelluy, qu'est-ce autre chose, que d'estre
plongez en la mort? Si c'est liberté, que d'estre délivré de ce
corps ; qu'est-ce autre chose du corps ; qu'une prison? Et si nostre
souveraine feli[c]ité est de jouyr de la presence de Dieu ; n'est-ce
pas misère de n'en point jouyr? Orjusques à ce que nous sorti-
3orons de ce monde, nous serons comme esfongnez de Dieu. Parquoy
si la vie terrienne est accomparée à la vie celeste : il n'y
a doubte qu'elle peust estre mesprisée, et quasi estimée
comme fiente : bien est vray, que nous ne la debvons jamais
hayr, sinon d'autant qu'elle nous détient en subjection de
35 péché. Combien encores que proprement cela ne luy est pas
à imputer. Quoy qu'il en soit, si nous fault-il tellement en
estre las ou faschez, qu'en désirant d'en voir la fin, nous
soyons ce pendant appareillez de demeurer en icelle, au bon plaisir
de Dieu: à fin que nostre ennuy soit loing de tout murmure et