RELIGION CHRESTIENiNE - Archive ouverte UNIGE

510 CHAPITRE VIII.
sans qu'il le permette. Que demandons-nous d'avantage? Si un seul
cheveul ne nous peut tomber sans la.volunté de Dieu? Pourtant
le serviteur de Dieu, estant confermé par toutes ces promesses, et
les exemples correspondans, conjoindra aussi les tesmoignages,
5 où il est diet que tous les hommes sont soubz la puissance de
Dieu: soit qu'il faille incliner leurs cœurs à nous aymer, ou reprimer
leur malice, à ce qu'elle ne nous nuyse. Car c'est le Seigneur,
qui a donné .grace à son peuple, non seulement envers ceux
qui autrement luy estoient amys, mais envers les Egyptiens.
io Quant est de la fureur de noz ennemis, il la seait bien rompre Exo. i.
en diverses -manières. Aucunesfois il leur oste l'entendement, à ce
qu'ilz ne puissent prendre bon conseil. Ainsi qu'il feist à Achab,
luy envoyant le Diable, pour luy prophétiser mensonge par la
bouche de tous les Prophètes : à fin de le décevoir. Comme il 1. Roys
is fist aussi à Roboam : l'aveuglant par le fol conseil des jeusnes, •
pour le despouiller de son Royaume. Aucunesfois, en leur don- /. Roys
nant entendement pour veoir, et entendre ce qu'il est expedient, il * a -
leur abbat tellement le cœur, et les estonne, qu'il n'osent nullement
entreprendre ce qu'il ont conceu. Aucunesfois, en leur perso
mettant de .s'efforcer à exécuter ce que porte leur rage, il vient
au devant à leur impétuosité, et ne souffre point qu'ilz viennent,
au bout de leur intention. En telle manière il dissipe devant le
temps le conseil d'Achitophel: lequel eust esté pernicieux à David. 2.§amuel
Enceste manière il ha le soing de modérer et conduire toutes créa- "•
25tures pour le salut des siens. Voire mesme le Diable: lequel nous
voyons n'avoir osé rien attenter contre Job, sans son octroy et
commandement. Quant nous aurons cette congnoissance : il s'ensuyvra
nécessairement tant une recongnoissance de la bonté de
Dieu en toute prospérité, que patience en ady.ersité : et d'avantage
30 une singulière asseurance pour l'advenir. Parquoy quelque chose
qu'il advienne selon nostre vouloir, nous l'attribuerons à Dieu :
soit que nous sentions sa beneficence par le moyen des hommes,
ou qu'il nous ayde par ses autres creatures. Car nous reputerons
ainsi en nostre cœur. Certes c'est Dieu, qui a tourné leur
35 cœur à m'aymer : et a fait qu'ilz me feussent instrumens de sa
bénignité. En fertilité, nous estimerons que c'est le Seigneur,
qui a commandé au ciel de plouvoir sur la terre : à fin qu'elle fructifiast.
En tout autre genre à prospérité, nous ne doubterons pas
que c'est la seule benediction de Dieu qui en estcause. Ces admoni-