RELIGION CHRESTIENiNE - Archive ouverte UNIGE

DES SACREMENS. 573
ment ilz cherchent couverture à leur erreur, c'est ; trop cauteleuse-;
ment. Car il disent que combien que Sacrement, es autheurs
approuvez, ayt beaucoup de significations : toutesfois il n'en ha
qu'une qui soit convenante ne qui appartienne aux signes. C'est
5 à scavoir qu'il signifie ce solemnel jurement, que le gendarme
fait à son Prince ou Capitaine, quand il est enrollé et receu eh
bende. Car comme par ce jurement les nouveaux gendarmes
obligent leur Foy à leur Prince ou Capitaine, et se promettent à
luy, s'advoiians estre de sa gendarmerie : ainsi nous aussi par noz
10 signes, confessons Jesus Christ estre nostre Capitaine, et tëstifions ;
que nous guerroyons soubz son enseigne. Ilz adjoustent des similitudes
pour rendre leur dire plus clair et plus evident. Comme
en la guerre on recongnoist les François et les Anglois les uns
des autres, par ce que les François portent la croix blanche, et
isles Anglois la croix rouge. Gomme aussi les Romains estoient
discernez des Grecz par diversité d'acoustremens : et d'avantage
comme les estaz de Romme estoient par leurs propres signes
, distinguez l'un de l'autre : c'est à scavoir les Sénateurs des chevaliers
par les habitz de pourpre et les souliers rondz : et
20 d'autrepart les Chevaliers du p[o]pulaire par un anneau : ainsi
nous avons noz signes, par lesquelz nous sommes distinguez et
discernez les infidèles et estrangiers de nostre Religion. Mais
je puis bien asseurer pour vray, que les Anciens qui ont donné
le nom de Sacrement à noz signes, n'ont point regardé en quelle
25 signification les escrivains latins avoient usé de ceste diction : ains
pour leur commodité luy ont attribué ceste nouvelle, pariaquelle
simplement ilz désignassent les signes sacrez. Et si nous le voulons
subtilizer plus hault : il est à penser qu'ilz ont transféré ce
noih à ceste signification, par mesme raison et similitude, qu'ilz
30 ont faict le nom de Foy, à celle signification en laquelle maintenant
nous en usons. Car combien que Foy proprement signifie
la vérité qu'on ha à tenir sa promesse : toutesfois ilz l'ont prinse
pour signifier la certitude ou certaine persuasion qu'on ha de celle
vérité. En ceste manière, combien que Sacrement soit le jure-
35 ment par lequel le gendarme se promet et s'oblige à son Capitaine
: ilz l'ont prins pour signifier le signe dont le Capitaine
use, pour recevoir ses gendarmes en sa bende et soulde. Car
le Seigneur par ses Sàcremens nous promet qu'usera nostre
Dieu : et que nous luy serons son peuple. Mais nous délaissons