RELIGION CHRESTIENiNE - Archive ouverte UNIGE

DU BAPTESME 603
occasion d'estre plus enclin de servir au Seigneur: lequel [sj'est
declairé à luy pour Père, devant qu'il le congneust, le recevant
au nombre de son peuple dès le ventre de sa mere. Finalement
il nous fault tousjours craindre ceste menace, que si nous mes-
3 prisons marquer noz enfans du signe de l'alliance : que le Seigneur
en fera la vengeance, d'autant qu'en ce faisant nous renonceons
au benefice qu'il nous présente.
Venons auz argumens desquelz le maling esprit a tasché d'envelopper
plusieurs en erreur et deception, soubz umbre de se
10 vouloir arrester à la parolle de Dieu : et considérons quelle force
il y a en toutes les machines de Sathan, par lesquelles il a tasché
de renverser ceste saincte ordonnance du Seigneur : laquelle
a tousjours, comme il estoit convenable, esté reveremment observée
en son Eglise. Ceux donc que le Diable poulse de contrei5
dire en cest endroit à la parolle de Dieu tant certaine, pource qu'ilz
se voyent fort pressez et trop puissamment con va incuz par la similitude
que nous avons mise de la Circoncision avec le Baptesme :
s'efforcent de monstrer quelque grande diversité entre ces deux
signes : tellement qu'il n'y ayt rien commun de l'un à l'autre.
20 Premièrement en disant que la chose figurée est diverse. Secondement
que l'alliance est toute autre. Tiercement que les enfans
doivent estre entenduz en diverses manières. Mais quand ilz
veulent prouver le premier point, ilz allèguent que la Circoncision
a esté figure delà mortification, et non pas du Baptesme. Ce que
25 certes nous leur concédons tresvoluntiers. Car cela faict pour
nous. Et mesmes pour bien prouver nostre intention, n'usons
point d'autres motz, sinon que la Circoncision et le Baptesme représentent
pareillement la mortification. Et de cela concluons, que
le Baptesme a succédé à la Circoncision, pource qu'il signifie une
30 mesme chose aux Chrestiens, que icelle faisoit aux Juifz. Quant au
second article, ilz monstrent combien ilz sont transportez d'Esprit,
non pas en renversant seulement un passage par faulse interpretation
: mais toute FEscriture universellement. Car ilz nous
font les Juifz comme un peuple charnel et brutal, qui n'ayt eu au-
35 tre alliance de Dieu que pour la vie temporelle : ne autre promesse,
que pour les biens presens et corruptibles. En cela disant, que
reste-il plus sinon que l'on estime ceste nation là comme un troppeau
de pourceaux : lequel nostre Seigneur ayt voulu nourrir en
l'auge, pour les laisser après périr éternellement? Car toutesfois et