RELIGION CHRESTIENiNE - Archive ouverte UNIGE

596 CHAPITRE XI.
comprenons premièrement, que le signe visible et materiel n'est
sinon representation de choses plus haultes et plus excellentes :
pour lesquelles comprendre, il nous fault avoir nostre recours à
la parolle de Dieu : en laquelle gist toute la vertu du signe. Or
spar icelies parolles nous voyons les choses signifiées et représentées
estre la purgation de noz péchez, la mortification de
nostre chair, pour estre faictz participans de la regeneration
spirituelle, laquelle doibt estre en tous les enfans de Dieu. Fir
nalement nous voyons que toutes ces choses sont causées en
10 Jesus Christ, comme en estant le fondement. Voylà en somme
la declaration du Baptesme, à laquelle se peut reduyre et référer
tout ce qui en est diet en l'Escriture : excepté un point
qui n'a pas esté touché. C'est qu'il est aussi bien comme une
marque, par laquelle nous advoüons devant les hommes le
is Seigneur pour nostre Dieu, et sommes enrôliez au nombre de
son peuple.
Pourtant que devant l'institution du Baptesme le peuple de
Dieu avoit au lieu la Circoncision : laquelle a servy soubz le
viel Testament : il nous fault icy regarder quelle similitude et
jo quelle difference il y a entre ces deux signes : à fin que de cela
nous comprenions semblablement, que c'est qu'on peut deduyre Gene
de l'un à l'autre. Quand nostre Seigneur ordonne la Circoncision
à Abraham : il luy donne premièrement la promesse, qu'il
veult estre son Dieu et le Dieu de sa semence : se declairant
25 estre tout puissant, et avoir toutes choses en sa main pour luy
estre en plenitude et fontaine de tous biens. Soubz lesquelles
parolles est comprinse la promesse de la vie éternelle : ainsi que
nostre Seigneur Jesus Christ l'a exposé, tirant un argument de
ce que son Père s'estoit appelle le D^eu d'Abraham, pour con-
30 vaincre les Saduciens de l'immortalité et resurrection des fidèles.
Car il n'est point, dit-il, Dieu des mortz mais des vivans. Parquoy
aussi Sainct Paul au deuxziesme des Ephesiens, leur
monstrant de quelle confusion nostre Seigneur les avoit retirez,
il déduit de ce qu'il n'avoient point la Circoncision, qu'ilz estoient
35 sans Christ, estrangers des promesses, sans Dieu, et sans espérance.
D'autant que icelleestoit le tesmoignage de toutes ces choses.
Or le premier degré que nous avons pour approcher de Dieu, et
entrer en la vie éternelle, c'est la remission de noz péchez. Dont
il s'ensuyt que ceste promesse est correspondante à celle du