RELIGION CHRESTIENiNE - Archive ouverte UNIGE

DÉ LÀ GÊNÉ. 65?
de leur temps. Cecy s'entendra plus facilement par exemples. Au
lieu de dire que tous peuples se convertiront à Dieu : ilz disent
qu'ilz monteront en Jerusalem. Au lieu de dire que les peuples de
Midy et Orient adoreront Dieu : ilz disent qu'ilz offriront en pre-
5 sent les richesses de leurs pays. Pour monstrer la grande et ample
congnoissance qui devoit estre donnée aux fidèles en la revelation
de Christ : Hz disent que les filles prophétiseront, les jeunes
gens verront visions, et les anciens songeront songes. Mais pource
que les exemples de ceste manière de parler, sont assés frequens :
îoje ne veux point estre long à en reciter beaucoup. Combien que
ces pouvres estourdis s'abusent lourdement, en ce qu'ilz ne recongnoissent
autre sacrifice que de leur Messe ; veu que les fidèles
véritablement sacrifient maintenant à Dieu et luy offrent oblation
pure, de laquelle il sera tantost parlé.
is Maintenant je viens au troisiesme office de la Messe : où il
est à declairer, comment elle efface et oste de la memoire des
hommes la vraye et unique mort de Jesus Christ. Car comme
entre les hommes, la confirmation du testament depend de la
mort du testateur : en ceste manière aussi nostre Seigneur a
20 confirmé par sa mort le Testament, par lequel il nous a faict
don de la remission de noz péchez, et d'éternelle justice. Ceux
qui en ce Testament osent varier ou innover, ilz desavouent sa
mort, et la reputent comme de nulle valeur. Et qu'est-ce autre
chose la Messe ; sinon un nouvel et du tout divers Testament ?
23 Car chascunes Messes ne promettent-elles point nouvelle remission
de péchez ; et nouvelle aquisition de justice ; tant que
desjà il y a autant de Testamentz qu'il y a de Messes ? Vienne
donc de rechef Jesus Christ, et confirme par une autre mort ce
nouveau Testament ou plustost par infinies mortz, les Testamentz
30 qui sont infîniz au Messes. Pourtant n'ay-je pas diet vray au
commencement, que par les Messes est effacée et oubliée l'unique
et vraye mort de Jesus Christ ? D'avantage, ne tend pas la
Messe directement à ce ; que de rechef, s'ilestoit possible, Jesus
Christ feust tué et occis? Car, comme dit l'Apostre, où il y a Hebr. 9.
35 Testament, il est nécessaire que la mort du Testateur intervienne.
La Messe pretend un nouveau Testament de Jesus Christ :
elle requiert donc sa mort. D'avantage il est nécessaire que
le Sacrifice, qui est offert, soit tué et immolé. Si Jesus Christ à
chascune Messe est sacrifié : il faut que en chascun moment, en
Institution. 42'
\