RELIGION CHRESTIENiNE - Archive ouverte UNIGE

DE LA CENE. 659
Messe chante bien une autre chanson, c'est qu'il fault que Jesus
Christ soit tous les jours sacrifié, afin qu'il nous proffite quelque
chose. La Cène devoit estre proposée et distribuée en publique
congregation de l'Eglise pour nous instruire de la communion, par
laquelle nous sommes tous conjoinctz ensemble à Jesus Christ. Le
sacrifice de la Messe rompt et destruit ceste communité. Car après
que cest erreur ha eu lieu, qu'il failloit qu'il y eust des Prestres qui
sacrifiassent pour le peuple, comme si la Cène eust esté réservée à
eux : elle n'a plus esté communiquée à l'Eglise des fidèles, comme
10 le commandement de nostre Seigneur estoit. Et lavoye a esté ouverte
aux Messes privées, lesquellesrepresentassent plustost quelque
excommunication, que celle communité quia esté instituée de
nostre Seigneur : puis que le Prestre et Sacrificateur, voulant dévorer
son Sacrifice, se sépare de' tout le peuple des fidèles. A fin
is que aucun ne soit trompé, j'appelle Messes privées, tant celles qui
sont à cause des chantz et haultz cris nommées grandes Messes :
que celles où le Prestre seul, murmure etbarbotte. Car toutes pareillement
ostentde l'Eglise la commune participation de la Cène. /. Sam.
Mais devant que faire fin, je interrogue noz Docteurs de "•
20 Messes ; puis qu'ilz scaivent obeyssance à Dieu estre meilleure
que tous Sacrifices :.et qu'il demande plus qu'on obtempère à sa
voix, qu'il ne faict qu'on luy offre Sacrifices : comment pensent- Hebr. 8.
ilz, que ceste manière de Sacrifice soit aggreable à Dieu ; de laquelle
ilz n'ont aucun commandement ; et qu'ilz voyent n'estre
25 prouvée par une seule syllabe de l'Escriture ? D'avantage puis
qu'ilz oyent l'Apostre disant ; que nul ne se doibt attribuer et
usurper le nom et honneur de Prestrise ; sinon celuy qui est appelle
de Dieu, comme Aaron : et que mesmes Jesus Christ ne s'i
est point ingéré soymesme : mais a obey h la vocation de son
30 Père : ou il fault qu'ilz monstrent que Dieu est autheur et instituteur
de leur Prestrise : ou qu'ilz confessent leur ordre et estât,
n'estre point de Dieu : et que sans y estre appeliez, ilz s'y sont
de leur propre témérité introduictz. Mais ilz ne pourroient
monstrer un seul poinct de lettre, qui favorise à leur Prestrise.
35 Que deviendront donc les Sacrifices ; qui ne peuvent estre offers
sans Prestre? Que reste-il ; sinon que les aveugles voyent ; que
les sourdz oyent; que les petis enfans mesmes entendent ceste
abomination de la Messe : laquelle, estant présentée en vaisseau
d'or (c'est à dire soubz le nom de la parolle deDieu) a tellement en-
\