RELIGION CHRESTIENiNE - Archive ouverte UNIGE

636 CHAPITRE XII.
chair de Christ n'ayt point tant de vertu de soy mesme, qu'elle
nous puisse vivifier, veu qu'en sa premiere condition elle a esté
subjecte à immortalité et estant fa'icte immortelle prend sa force
d'ailleurs : toutesfois si elle est à bon droict nommée vivifiante :
s pource qu'elle a esté remplie de perfection de vie, pour en transferer
en nous la communion. Et en ce sens se doibt prendre [c]e
que dit nostre Seigneur : que comme le Père a la vie en soy :
aussi il a ordonné que. le Filz eust la vie en soy. Car en ce passage
là il parle, non pas des proprietez qu'il a possédées eternelîolementen
sa divinité: mais lesquelles luy ont esté données en
la chair en laquelle il nous est apparu. Parquoy il demonstre
que la plenitude de vie habite mesmes en son humanité : tellement
que quiconques communiquera à sa chair et son sang, obtiendra
la joüyssance d'icelle. Ce que nous povons.mieux expli-
15 quer par un exemple familier. Car comme l'eaüe d'une fontaine
suffist pour en boire, pour en arrouser, et pour l'appliquer à autres
usages: et neantmoins la fontaine n'ha point de soymesme
une telle habondance : mais de la source, laquelle decoulle perpétuellement
pour la remplir, à ce que jamais elle ne terisse. En
so ceste sorte la chair de Christ est semblable à une fontaine, entant
qu'elle receoit la .vie découlante delà divinité, pour la transferer
en nous. Maintenant qui est-ce qui ne voit ; que la communication,
au corps et au sang de Christ est nécessaire à tous ceux
qui aspirent à la vie celeste? Et à cela tendent toutes [c]es sen-
25 tences de l'Apostre. Que l'Eglise est le corps de Christ et son Ephe
accomplissement. Que luy il en est le Chef, dont tout le corps estant
conjoinct, croist selon les lyaisons et joinctures : et que
noz corps sont membres de luy. Lesquelles choses ne peuvent
estre autrement accomplies, sinon qu'entièrement de corps
3o et d'Esprit il adhere à nous. Mais encores l'Apostre escla[ir]cist
par un plus grand tesmoignage ceste société, par laquelle
nous sommes uniz à sa chair, en disant : que nous sommes
les membres de son corps, partie de ses os et de sa chair.
Et finalement pour denotter que la chose surmonte toutes
35 parolles, il conclud le propoz par admiration. C'est, dit-il, un
grand secret. Parquoy ce seroit une folie désespérée, de ne recongnoistre
nulle communion en la chair et au sang du Seigneur
laquelle Sainct Paul declaire estre si grande, qu'il ayme
mieux l'avoir en admiration, que l'expliquer par parolles.