RELIGION CHRESTIENiNE - Archive ouverte UNIGE

DES CINQ AUTRES CE­
REMONIES QU'ON A FAUSSE­
MENT APPELLEEZ SACREMENS : A SCAVOIR CON­
FIRMATION, PENITENCE, EXTREME
UNCTION, ORDRES ECCLESIA­
STIQUES ET MARIAGE.
CHAP. XIII
LA DISPUTATION précédente des Sacremens povoit contenter
toutes sobres et dociles personnes, pour ne passer oultre curieusement
: et ne recevoir, sans la parolle de Dieu, autres Sacremens,
que les deux qu'ilz eussent congneuz estre instituez par
r> le Seigneur. Mais pourtant que l'opinion de sept Sacremens a
estétousjours tant commune entre les hommes, et tant démenée •
en disputes et sermons, que d'ancienneté elle est enracinée au
cœur des hommes, et y est encores maintenant fichée : Il m'a
semblé adVis estre proffitable, de considérer à part et de plus
10 près les cinq autres : qui sont communément nombrez entre les
Sacremens du Seigneur. Et aiant descouvert toute faulseté, de
donner à congnoistre aux simples quelles choses ce sont : et
comment jusques icy ilz ont esté prins sans propoz pour Sacremens.
Premièrement il nous fault retenir ce que nous avons parais
vant confirmé par raison invincible : que la puissance d'instituer
Sacremens n'est qu'à un seul Dieu. Car Sacrement doibt, par certaine
promesse de Dieu, asseurer et consoler les consciences des
fidèles : lesquelles ne pourroient jamais prendre de quelque homme
telle asseurance. Sacrement nous doibt estre un tesmoignage de la
20 bonne volunté de Dieu envers nous : de laquelle nul des hommes
ne des Anges ne peut de soy estre tesmoing : d'autant que nul Rom. li.
n'a esté conseiller de Dieu. C'est Dieu seul, qui de soymesme
nous testifie par sa parolle. Sacrement est un seel, duquel le
Testament et promesse de Dieu est scellée. Or elle ne pourrait
23 estre séellée par choses corporelles et elemens de ce inonde, s'ilz