RELIGION CHRESTIENiNE - Archive ouverte UNIGE

660 CHAPlï'RE M.
yvré ; a tellement estourdy et abesty tous les Roys et les Peuples
de la terre ; depuis le plus grand> jusques au plus petit ; que estans
plus bestes que les brutes, ilz constituoientle commencement
et la fin de leur salut, en ceste seule execration ? Certes Satan ne
5 dressa jamais une plus forte machine, pour combatre et abatre le
regne de Jesus Christ. Ceste est une Heleine, pour laquelle les
ennemiz de la vérité aujourd'huy bataillent en si grande crudelité,
en si grande fureur, en si grande rage. Et vrayement c'est
une Heleine : avec laquelle ilz paillardent ainsi par spirituelle
10fornication : qui est sur toutes la plus execrable.
Je ne touche point icy seulement du petit doigt les lpurdz et
gros abuz, par lesquelz ilz pourroient alléguer la pureté de leur
sacrée Messe avoir esté prophanée et corrompue. C'est à scavoir,
combien ilz en exercent de vilaines foires et marchez : combien
is meschans et deshonnestes gaings telz Sacrificateurs font par leurs
Missations : par combien grande pillerie ilz remplissent leur avarice.
Seulement je monstre, et ce en simples et peu de parolles,
qu'elle est mesme la sanctissime saincteté de la Messe : pour laquelle
elle a mérité si long temps d'estre tant admirable et d'estre
20 tenue en si grande veneration. Car il fauldroit plus grandlivre pour
bien esclarcyr et anoblir si grans mystères selon leur dignité. Et
je ne veux point icy mesler ces vilaines ordures, lesquelles se
monstrent devant les yeux de tous. A fin que chascun entende que la
Messe, prinse en son intégrité la plus exquise, et par laquelle elle
25 peut le mieux estre estimée : est depuis la racine jusques au sommet,
pleine de toutes espèces d'impiété, de blaspheme, d'ydolatrie,
de sacrilege, sans considérer ses appendences et consequences..
Or à fin que quelque quereleux ne prenne matière de combatre
encores contre nous pour les noms de sacrifice et de Prestre :
30 en brief j'expediray, que c'est que j'ay'entendu en toute ceste
disputation par le mot de Sacrifice, et par le nom de Prestre.
Je ne vois point quelle raison peuvent avoir ceux qui estendent
le nom de Sacrifice à toutes ceremonies et observations
appartenantes au service de Dieu. Car nous voyons que par
35 la coustume perpétuelle de l'Escriture, le nom de Sacrifice
est prins pource que les Grecz appellent maintenant THYSIA,
maintenant PROSPHORA , qui signifie généralement tout ce
qui est offert à Dieu. Tellement neantmoins qu'il nous fault
icy user de distinction ; mais d'une telle distinction qui