RELIGION CHRESTIENiNE - Archive ouverte UNIGE

540 CHAPITRE IX.
nelles; et tous troubles de sollicitudes terriennes. Ce n'est pas donc
sans cause, que le Seigneur Jesus mesmes, voulant du tout s'adonner
à prier, se retiroit hors du bruit des hommes. Mais plustost
il le faisoit pour nous admonester, par son exemple, de ne point
s contenner telles aydes : par lesquelles nostre courage soit plusfort
eslevé en affection de bien prier. Ce pendant neantmoins comme il
ne laissoit point de prier au milieu de la multitude, si l'opportunité
[s'y] adonnoit, aussi nous, que nous ne faisions point de difficulté
d'eslever les mains au ciel en tout lieu : toutesfois et quantes que
îomestier en sera : Et mesmes, comme la parolle de Dieu ordonne [•/.] Tim.
prières publiques entre les fidèles : ainsi fault-il qu'il y ayt tem- 2 -
pies députez à les faire : ausquelz tous ceux qui refusent de communiquer
avec le peuple de Dieu en oraison, ne se peuvent excuser
pareeste couverture,[de dire qu'ilz entrent en leurs chambres pour
is obéir au commandement de Dieu. Car celuy qui promet de faire Malt. 18
tout ce que deux ou trois estans congregez en son Nom demanderont,
testifie assez, qu'ilz ne contemne point les prières manifestes :
mais que toute ambition et cupidité de gloire en soit hors. Et aucontraire
qu'il y ayt vraye et pure affection au profond du cœur.
so Si tel est l'usage legitime des temples (comme il est certain qu'il
est) il nous fault donner de garde de les estimer propres habitacles
de Dieu (comme on a faict par longues années) et dont nostre
Seigneur nous preste l'aureille de plus près : que leur attribuions
quelque saincteté secrette, laquelle rende nostre oraison meilleure
25 devant Dieu. Car si nous sommes les vrays temples de Dieu, il fault
que nous le prions en nous, si nous le voulons invoquer en son vray
temple. Et quand à ceste opinion rude et charnelle, laissons la aux Jean i.
Juifz, ou aux Gentilz : puis que nous avons le commandement d'invoquer
en esprit et vérité le Seigneur, sans difference de place. Bien
so est vray que le temple estoit anciennement dedyé par le commandement
de Dieu pour offrir prières et Sacrifices : mais cela estoit pour le
tempsque la vérité estoitfiguréesoubztellesumbres. Laquelle,nous
estant declairée maintenant au vif, ne permet point que nous nous
arrestionsàaucuntemplemateriel. Etmesmes letemplen'estoitpas
35 recommandé aux Juifz à ceste condition, qu'ilz deussent enclorre la
presence deDieudedans les murailles d'iceluy : mais pour les exer- lésa. 66.
cer à contempler l'effigie et Image du vray temple. Parquoy ceux qui
aucunement estimoient que Dieu habitast aux temples construictz
de mains d'hommes, furent grièvement reprins par S. Estienne. Actes 7.