RELIGION CHRESTIENiNE - Archive ouverte UNIGE

530 CHAPITRE IX.
donnée à ceux qui l'invoqueront, qu'ilz seront exaucez : aussi
peculierement et expressément il nous est commandé d'invoquer
Dieu au Nom de nostre Seigneur Jesus Christ. Et avons la pro- Jean i„
messe que nous serons exaucez de tout ce que nous demanderons e 1 °- j
5 en son Nom. Jusques icy (dit-il) vous n'avez rien demandé en
mon Nom : demandez et vous recevrez. D'ores en avant vous
demanderez en mon Nom : et ce que vous demanderez, je le feray :
à fin que le Père soit glorifié en son Filz. De ce, sans aucune
doubte, il appert tresclairement, que tous ceux qui invoquent
10 Dieu en autre Nom que celuy de Jesus Christ, desobeyssent au
commandement de Dieu, et contreviennent à son vouloir. Aussi
qu'ilz n'ont nulle promesse de Dieu d'obtenir rien qui soit :
. puis que, comme dit Sainct Paul, en Jesus Christ toutes les 2. Cor. l
promesses qui viennent de Dieu sont faictes Ouy, et par Jesus
is Christ sont faictes. Amen. C'est à dire, que toutes les promesses
de Dieu sont en Jesus Christ asseurées, fermes et certaines, et
sont accomplies. Et veu qu'il est la voye unique, et la seule Jean 14.
entrée que nous avons à Dieu : quand ilz ne la prennent pour
" voye et entrée, ilz n'ont rien qui les puisse faire approcher de
2o Dieu, et ne pourroient trouver en son Throsne, que ire, terreur
et jugement. Et aussi veu que Dieu l'a signé et marqué singu- Jean 6
lierement pour estre nostre Chef et nostre conduicte : ceux qui
se destournent de luv, s'efforcent, d'autant que en eux est,
d'effacer la marque de Dieu.
25 En ceste manière Jesus Christ est constitué pour Mediateur
unique : par l'intercession duquel le Père nous soit rendu
propice et exorable. Combien que ce pendant nous laissons
aux Sainctz leurs intercessions : par lesquelles ilz recommandent
à Dieu mutuellement le salut les uns des autres : com-
30 nie S. Paul en faict mention. Toutesfois nous requérons qu'elles l.Thim.î\
soient telles, que tousjours elles despendent de ceste seule de
Jesus Christ: tant s'en fault qu'elles soient diminutions d'icelle.
Car comme elles procèdent de l'affection de charité, en laquelle
nous sommes ensemble lyez comme membres : aussi elles se
35 rapportent à l'unité de nostre chef. Puis donc qu'elles sont
faictes au Nom de Christ, ne tesmoignent-elles pas que nul
ne peut éstre aydé ne secouru par aucunes prières des autres ;
sinon au moyen que Jesus Christ est l'intercesseur ? Et comme
Jesus Christ par son intercession, n'empesche point que