RELIGION CHRESTIENiNE - Archive ouverte UNIGE

DE LA CENE. 1)31
Or quelque chose qu'ilz protestent que la reverence qu'ilz portent
aux parolles de Christ les empesche de recevoir aucune interpretation
à une sentence tant evidente : cela n'est pas couleur
suffisante, pour rejetter tellement toutes raisons qui leur sont
5remonstrées aucontraire. Combien que je n'estime pas qu'il faille
avoir grand'quantité d'argumens pour les combatre : veu qu'ilz
ne scauroient ouvrir la bouche sans manifester l'absurdité qui
est en leur doctrine. Car ce qu'ilz disent que le corps est tellement
meslé avec le pain, qu'il est faict une chose en substance :
10 cela ne répugne pas seulement au jugement commun de tous
hommes : mais est du tout contraire à la Foy. Mais il n'est pas
loysible, disent-ilz, de gloser témérairement les choses qui sont
clairement exprimées en l'Escriture. Qui est-ce qui le nye ?
Mais que cest argument, qu'ilz ont tousjours en la bouche soit
15 importun et improprement appliqué à la matière présente : il
apparoistra clairement, après que nous aurons mis en avant la
vraye exposition.
Ce n'a pas donc esté mal advisé à aucuns, lesquelz pour l'affinité
et proximité qu'ont les choses représentées avec leur signes,
20 ont pensé que le nom de la chose estoit icy attribué aux signes
mesmes. Bien est vrayque c'est une loquution impropre : neantmoins
elle ha tresbonne convenance. Car combien que le signe :
. quant à l'essence, diffère de la chose figurée entant que icelle est
spirituelle et celeste : iceluy est corporel et visible : Neantmoins
23 puis qu'il ne figure pas seulement comme une image vaine la chose
qu'il représente, mais la livre véritablement : pourquoy n'en prendroit-il
l'appellation ? Car si les signes humains, qui sont plustost
figures des choses absentes, que enseignes et marques des
présentes, et le plus souvent nous abusent en les denottant, pren-
30 nent toutesfois le nom d'icelles : par plus forte raison ceux que
Dieu a instituez peuvent emprunter le filtre des choses qu'ilz représentent
: desquelles ilz contienent la signification certaine et
sans falace, et ont la vérité tousjours conjoincte. Pourtant toutesfois
et quantes que tu trouverras ces formes de parler, que le pain est
35 le corps, que la fraction du pain est la communication du corps,
et autres semblables : qu'il te souvienne de recongnoistre, que le
nom de la chose supérieure et plus excellente est transféré à la chose
inférieure, selon la coustume ordinaire de l'Escriture. Je laisse
là les allegories et paraboles : à fin que nul ne dise que je sor-