RELIGION CHRESTIENiNE - Archive ouverte UNIGE

816 CÖAtlTRE XVÏf.
raison; que les bestes brutes ; etmesmes les creatures insensibles
jusques au bois et pierres ; ayant comme quelque sentiment de leur
vanité et corruption, soient en attente du jour du Jugement ; pour Rom. 8.
estre deliverez d'icelle ; nous aucontraire, ayans premièrement
s quelque lumière de sa nature, d'avantage estans illuminez de
l'Esprit de Dieu ; quand il est question de nostre estre ; n'eslevions
point les yeux par dessus ceste pourriture terrienne ? Mais ce
n'est pas mon intention, de disputer icy au long contre une si
grande perversité. Et de faict, j'ay du commencement protesté,
io que je ne voulois p*oint icy traicter une chascune matière par
forme d'exhortation. Je conseilleroye à telles gens, d'un couraige
si timide, de lire le livre de Sainct Ciprien, qu'il a intitulé, de la
mortalité :n'estoit qu'ilz sont dignes qu^on les renvoyé aux Philosophes
: ausquelzilz trouverront un cohte[m]nement de mort, qui
is leur debvera faire honte. Toutesfois il nous fault tenir ceste
maxime : que nul n'a bien proffité en l'escole de Christ, sinon
celuy qui attent en joye et lyesse le jour de la mort, et de la dernière
resurrection. Car Sainct Paul descrit tous les fidèles par
ceste marque : et l'Escriture ha ceste coustume de nous rappeller là,
20 quandelle nous veut proposer matière de resjoyssance. Esjoyssez
vous, dit le Seigneur, et levez la teste en hault, car vostre redemption
approche. Quel propoz y a-il, je vous prie, que ce que Jesus
Christ a pensé estre propre à nous resjoyr; n'engendre en nous sinon
tristesse et estonnement? Si ainsi est ; pourquoy nous glorias
fions-nous d'estre ses disciples. Revenons donc en meilleur sens,
el combien que la cupidité de nostre chair, comme elle est aveugle
et stupide, répugne : ne doubtons point de souhaister l'advenement
du Seigneur, comme une chose tresheureuse, et non seule- •
ment par simple désir, mais jusques à gémir et souspirer après. Car
so il nous viendra Rédempteur pour nous introduire en l'Héritage de
sa gloire, après nous avoir retirez de cegoulfre de tous maulx et
misères. Il fault que tous fidèles, ce pendant qu'ilz habitent en
terre, soyent comme brebis destinées à la boucherie : à fin d'estre
faictz conformes à leur Chef Jesus Christ. Il seroient donc
35 désespérément malheureux, sinon qu'ilz dressassent leur entendement
en hault, pour surmonter tout ce qui est au monde,
et oultrepasser le regard des choses présentes. Au contraire, s'ilz
ont une fois eslevé leurs pensées par dessus les choses terriennes,
quand ilz verront les iniques fleurir en richesses et honneurs,