RELIGION CHRESTIENiNE - Archive ouverte UNIGE

DE LA LIBERTÉ CHRESTIENNE. 711
qu'ilz se vouent et dédient à Dieu, comme ressuscitez des mortz,
et leurs membres armes de Justice à Dieu. Pourtant que iceux,
aucontraire povoient objecter, qu'ilz portent encores avec soy
leur chair pleine de concupiscence, et que le péché habite en eux:
5 il vient à mettre ceste consolation, laquelle il déduit de la liberté
de la Loy : comme s'il disoit. Combien que les fidèles ne sentent
encores le péché esteinct en eux, et la pleine vie de justice : neantmoins
ilz ne se doivent désoler et perdre couraige, comme s'ilz
avoient Dieu courroucé contre eux, pour telles reliques de péché :
îoveuque par la grace de Dieu, ilz sont affranchiz de la Loy, à ce
que leurs œvres ne soient plus examinées à sa reigle. Et ceux qui
inferpnt qu'on peut bien pécher puis que nous ne sommes plus
soubz la Loy, peuvent bien entendre que ceste liberté ne leur
appartient en rien : de laquelle la fin est de nous inciter et induire
is à bien.
La troysiesme partie de la liberté Chrestienne nous instruit de
ne faire conscience devant Dieu des choses externes, qui par soy
sont indifferentes : et nous enseigne que nous les povons ou faire ou
laisser indifféremment. Et nous est aussi la congnoissance de ceste
20 liberté tresnecessaire. Car si elle nous deffault: noz consciences
jamais n'auront repoz, et sans fin seront en superstition. Il est aujourd'huy
advis à beaucoup de gens, que nous sommes mal advisez
de esmovoir disputation, qu'il soit libre de menger de la chair, que
l'observation des jours et l'usaige des vestemens soit libre, et de
25 telz fatras comme il leur semble : Mais il y a plus d'importance en
ces choses que l'on n'estime communément. Car puis qu'une fois
les consciences se sont bridées et mises aux liens : elle entrent en
un Labyrinthe infiny et en un profond abysme, dont il ne leur est
pas après facile 'à sortir. Si quelqu'un a commencé à doubter s'il
3oluy est licite de user de lin en draps, chemises, mouchouërs, serviettes
: il ne sera non plus après asseuré, s'il luy est licite d'user
de chanvre : à la fin il commencera à vaciller s'il peut mesme
user d'estouppes. Car il reputera en soymesme s'il ne pourroit
pas bien menger sans serviette, s'il ne se pourroit pas passer de
35 mouchouërs. Si quelqu'un vient à penser qu'une viande, qui est
un peu plus delicate que les autres, ne soit pas permise, en la fin
il n'osera en asseurance de conscience devant Dieu, menger ne
pain bis, ne viandes vulgaires : d'autant qu'il luy viendra tousjours
en esprit s'il ne pouroit pas entretenir sa vie de viandes