RELIGION CHRESTIENiNE - Archive ouverte UNIGE

620 CHAPITRE XI.
neantmoins ne nous arrestons-nous pas là : ayans response pour
deffendre la vérité beaucoup plus certaine et solide. C'est que le
principal mandement que baille icy nostre Seigneur à ses Apostres,
est d'annoncer l'Evangile', auquel il adjouste le ministère
3 de baptiser, comme une dépendance de leur propre commission
et principale charge. Pourtant il n'est icy parlé du Baptesme,
sinon d'autant qu'il est conjoinct à la doctrine et predication :
comme il se pourra mieux entendre par plus longue deduction.
Le Seigneur donc envoyé ses Apostres, pour instruire les hommes
10 de.toutes nations de la terre. Et lesquelz ? Il est certain qu'il
n'entend sinon ceux qui sont capables de recevoir doctrine.
Après il dit que'telz, après avoir esté instruictz doivent estre
baptisez. Et en poursuyvant son propoz il dit, que telz en
croyant et estant baptisez seront sauvez. Est-il icy l'aict mentation
des petis enfans ; n'en une part ny en l'autre? Quelle
forme donc d'arguer est ceste-cy dont ilz usent? Les gens d'eage
doivent estre instruictz et croire devant qu'estre baptisez. Le
Baptesme donc n'appartient point aux petis enfans. Qu'ilz se
tormentent tant qu'ilz vouldront: ilz ne peuvent tirer autre chose
2o de ce passage, sinon que on doibt prescher l'Evangile à ceux qui
sont capables d'oüyr, devant que les baptiser, puis que de telz
seulement il est question. C'est donc bien pervertir les parolles
du Seigneur, soubz umbre de cela exclure les petis enfans du
Baptesme. Et^à fin que chascun puisse toucher au doigt leur igno-
25rance : je m,onstreray par similitude en quoy elle gist. Quand
Sainct Paul dit, que quiconque ne travaillera qu'il ne menge :
si de cela quelqu'un vouloit inférer, que les petis enfans ne
doivent point estre nourriz : ne seroit-il point digne de la moquerie
de tout le monde ? Pourquoy ? Pourtant que ce qui est
so diet d'une partie il le tirerait généralement à tous. Or ces bons
personnages n'en font pas moins en ceste matière. Gar ce qui
est diet spécialement des grans, ilz le rapportent aux petis pour
en faire une reigle generale. Touchant de l'exemple de nostre
Seigneur, il ne les peut en rien favoriser. Il n'est baptisé jus-
3s ques à Péage de trente ans. Mais c'est pource que lors il veult
commencer sa predication : et par icelle fonder le Baptesme :
lequel avoit desjà esté commencé par Jean. Voulant donc instituer
le Baptesme en sa doctrine, dès le commencement, pour
le mieux auctoriser, il le sanctifie premièrement en son corps.