RELIGION CHRESTIENiNE - Archive ouverte UNIGE

478 CHAPITRE vin.
se plaindre de Dieu : si par son pur vouloir, sans leur propre
mérite, ilz sont prédestinez à la mort éternelle. Si telles cogita^
tions viennent quelque fois en l'entendement des fidèles ; ilz
seront assez armez pour les repoulser, quand seulement ilz repu-
5 teront, quelle témérité c'est, mesmes d'enquérir des causes de
la volunté de Dieu : veu qu'icelle est, et à bon droict dnibt estre
la cause de toutes les choses qui se font. Car si elle ha quelque
cause : il fault que ceste cause là precede : et qu'elle soit comme
attachée à icelle ce qui n'est licite d'imaginer. Car la volunté de
10 Dieu est tellement la reigle supreme et souveraine de justice :
que tout ce qu'il veult, il le fault tenir pour juste, d'autant qu'il
le veult. Pourtant quand on demande: pourquoy est-ce que Dieu a
faict ainsi, il fault respondre : Pource qu'il [l']a voulu. Si on passe
outre, en demandant pourquoy l'a il voulu c'est demander une
is chose plus grande et plus haulte que la volunté de Dieu ; ce qui
ne se peut trouver. Pourtant que la témérité humaine se modere
et qu'elle ne cerche ce qui n'est point, de peur de ne trouver point
ce qui est. Geste bride sera bien pour retenir tous ceux, qui
vouldront méditer les secretz de Dieu en reverence. Contre les
so iniques, qui ne se soucyent de mesdire de Dieu apertement, le
Seigneur se deffendra ass.ez par sa justice, sans que nous luy servions
d'advocatz : quand en ostant tergiversations à leurs consciences,
il les pressera et convaincra jusques là, qu'elles ne pourront
eschapper. Toutesfois à fin que nous n'endurions qu'ilz ayent
25 son sainct Nom en mocquerie : il nous donne armures en sa parolle
pour résister à leur fureur. Pourtant si quelqu'un nous assault de
ce propoz : pourquoy c'est que Dieu en a prédestinez aucuns à
damnation, lesquelz ne l'avoient point mérité. Veu qu'ilz n'estoient
pas encores : nous luy demanderons d'autre part en quoy c'est
30 qu'il pense Dieu estre redevable à l'homme, s'il l'estime estre en
sa nature ? Puis que nous sommes tous corrompuz et contaminez
en vices : il ne se peut faire, que Dieu ne nous ayt en haine. Et
ce non pas d'une cruauté tyrannique, mais par une équité raisonnable.
Si ainsi est, que tous hommes, de leur condition naturelle,
35 soient coulpables de condamnation mortelle : de quelle iniquité,
je vous prie, se plaindront ceux, lesquelz Dieu a prédestinez à
mort? Que tous les enfans d'Adam viennent en avant pour contendre
et debatre contre leur Créateur : de ce que par sa providence
éternelle, devant leur nativité, ilz ont esté desvouez à calamité