RELIGION CHRESTIENiNE - Archive ouverte UNIGE

DU BÂPTESME. 593
gion : laquelle maintenant nous ayons tout premièrement goustée.
Il semble advis à d'aucuns, que ce avoit esté quelque fol
imitateur de Sainct Jean, qui les avoit auparavant baptisez,
s plustost en quelques vaines superstitions, qu'en la vérité. Et
ont pour raison, ceste conjecture, que iceux confessent qu'ilz ne
scaivent que c'est du Sainct Esprit : en laquelle ignorance S.
Jean ne les eust pas laissez. Mais il n'est pas non plus vray semblable,
que les Juifz mesmes qui n'eussent point esté baptisez,
10 n'eussent eu aucune congnoissance de l'Esprit : duquel il leur
estoit faict souvent mention en l'Escriture. La responce donc qu'il
font, c'est qu'ilz ne scaivent si (l'Esprit est) se doibt entendre
qu'il n'avoient rien entendu, à scavoir si les graces du Sainct
Esprit, desquelles Sainct Paul les interroguoit, estoient distriîs
buées aux Disciples de Christ. Quant à moy j'accorde le premier
Baptesme, qui feust donné à ceux-là, avoir esté le vray Baptesme
de S. Jean : et un mesme avec celuy de Jesus Christ. Mais je
nye qu'il ayent esté rebaptisez. Que veullent donc dire ces parolles
: Hz ont esté baptisez au Nom de Jesus? Aucuns l'interprètent
20 que seulement c'est à dire qu'ilz feurent par Sainct Paul instruictz
de pure et bonne doctrine : mais je l'ayme mieulx entendre
plus simplement : qu'il parle du Baptesme du Sainct Esprit :
c'est à dire que les graces visibles du Sainct Esprit leur furent
données par l'imposition des mains. Lesquelles graces sont assez
25 souvent en l'Escriture nommées Baptesme. Comme il est diet,
que au jour de la Penthecouste les Apostres se souveinrent des
parolles du Seigneur, du Baptesme, de l'Esprit et du feu. Et
Sainct Pierre recite, que les graces qu'il voyoit espandues sur Cornille
et sur sa famille, luy avoient aussi reduict en memoire les Ad. I. et
30mesmes parolles. Et ne répugne point ce qui est après escrit. "•
Quand il leur eust imposé les mains le Sainct Esprit descendit
sur eux. Car Sainct Luc ne recite pas deux choses diverses : mais
il poursuyt une forme de narration famuliere aux Hebrieux,
lesquelz proposent premièrement la chose en somme, après ilz la
3s declairent plus amplement. Ce que un chascun peut appercevoir
delà deduction mesmes des parolles. Car il est diet. Ces choses
oyës. ilz ont esté baptisez au nom de Jesus : et quand Sainct
Paul leur eust imposé les mains, le Sainct Esprit descendit
sur eux. Par ceste dernière locution est descrit quel feust ce-
Instilution. 38