RELIGION CHRESTIENiNE - Archive ouverte UNIGE

DE LA CENE. 629
peut recevoir du Sacrement. Quand quelqu'un aura bien pensé
et considéré cecy en son entendement, il entendra facilement
comment le corps de Jesus Christ nous est présenté au
Sacrement.
« Mais à fin que nous soyons despeschez de tous scrupules,
desquelz il est difficile que les simples entendemens ne soient
embrouillez en telle diversité d'opinions : exposons premièrement
en quel sens le pain est appelle le corps de Christ, et le vin son
sang. Puis après advisons quelle communion de son corps et de
îo son sang donne nostre Seigneur à ses fidèles en la Cène. Devant
toutes choses nous avons à rejetter l'opinion qu'ont songée les
Sophistes touchant la TRANSSUBSTANTIATION, qu'ilz appellent, comme
une chose prodigieuse. Car si quelqu'un portant reverence
au[x] parolles de Christ, s'arreste à ce qu'il est diet que le pain
is qui est baillé en la main, est le corps qui est livré pour nous :
leur phantasie est bien loing de la propriété des parolles : veu
qu'ilz exposent ce mot, pour estre tran[s]substantié : adjoustant
que ceste TRANSSUBSTANTIATION n'est pas faicte par une conversion
d'une substance en l'autre : mais d'autant que le corps
20 succède au lieu du pain, lequel ilz imaginent s'-esyanoüyr.
m Certes nostre Seigneur testifie estre son corps ce qu'il -romp et
baille en la main de ses Apostres. Qui est-ce qui n'entendra par
cela qu'il demonstre le pain? Parquoy ilz ne peuvent;alléguer
que pour la reverence qu'ilz portent aux parolles rde • Jesus
2i Christ ilz sont contreinetz de faire ceste exposition :'qui est une
glose plus que contreincte et contraire à la lettre, jusques à luy
faire violence. Car cela ne feust jamais oüy en langue du monde,
que ce verbe, qu'on appelle substantiel, à scavoir, estre,
feust pris en ce sens. Il y a d'avantage plusieurs autres raisons
so lesquelles il est facile de confuter. Car en ceste manière seroit
osté le mystère qu'a voulu représenter le Seigneur en sa Cène.
Car qu'est-ce que la Cène ; sinon une testification visible et manifeste
de la promesse qui est au sixiesme de Sainct Jean ? à scavoir
que Christ est le pain de vie qui est descendu [du] ciel ? Il
35 fault donc que le pain visible soit un signe, par lequel nous soit
figuré le pain spirituel : sinon que nous veuillions destruire tout
le fruict du Sacrement, et la consolation que, pour soustenir
nostre imbecilité, nostre Seigneur a donnée en cest endroit. Car
comme la purgation intérieure de l'ame est plus certifiée aux