RELIGION CHRESTIENiNE - Archive ouverte UNIGE

DES CINQ AUTRES CEREMONIES. 697
désespéré : neantmoins puis qu'on congnoist la médecine estre
plus nuisante, que la maladie : pourquoy ne met-on aussi bien ordre
à ce nouveau mal? Hz respondent, que les Canons deffendent
estroictement aux Evesques de n'abuser de leur puissance audetri-
5 ment de l'Eglise. Combien que si nous voulons confesser vray, les
Canons sont plustost flambeaux allumez à brusler tout le monde,
que bonne[s] reigles pour conserver discipline modérée : toutesfois
je laisse cela de present. Mais qu'est-ce qu'ilz m'allèguent les Canons
; lesquelz ne sont que pure moquerie à leurs autheurs mes-
10 mes ; toutes les fois que bon leur semble? Doubtons-nous que le
peuple n'entendist pas bien anciennement qu'il estoit obligé à tressainctes
loix ; quand il voyoit la reigle qui luy estoit proposée par
laparolle de Dieu ; pour eslire les Evesques ? Car une seule voix
de Dieu luy devoit, par droict, estre en plus grand'estime sans
is comparaison, que eent millions de Canons. Neantmoins estant corrompu
de mauvaise affection il n'avoit nul esgard ne de raison ne
de loy. En ceste manière aujourd'huy, combien qu'il y ayt de
bonnes loix escrites : toutesfois elles demeurent cachées et ensevelies
en du papier. Ce pendant ceste coustume est receuë et usitée
20 de non ordonner pour Pasteurs des Eglises, sinon barbiers, cuysiniers,
bouteilliers, muletiers, bastardz, et toutes telles sortes de
gens. Jene dy pas encores assez: mais d'avantage que les Eveschez
ou Cures soient loyers des maquerellages et paillardises. Car quand
ilz sont donnez à veneurs et vouleurs, la chose va tresbien. Il
25 n'y a point de propoz de deffendre telle abomination par les
Canons. Je dy de rechef, que le peuple avoit anciennement un
tresbon Canon, quand la parolle de Dieu luy demonstroit, qu'un j. Tim. 3.
Evesque doibt estre irrépréhensible, de bonne doctrine, non pas Tite 1.
combateur, n'avaricieux. etc. Pourquoy donc la charge d'élire
30 un ministre a elle esté translatée du peuple à ces Prelatz ? Hz n'ont
que respondre, sinon pourtant que la parolle de Dieu n'estoitpas
oüye entre les noises et brigues du peuple. Pourquoy donc ne
sera-elle aujourd'huy ostée à ses Evesques ; lesquelz non seulement
violent toutes loix ; mais sans honte ne vergongne ; confon-
35 dent le ciel avec la terre ; par leur avarice ; ambition et desordonnée
concupiscense? Cela est-il mesmes tolerable à oüyr ; que ceux
soient appeliez Pasteurs des Eglises ; qui n'ayent jamais veu une
brebis de leur trouppeau ; qui soient entrez par force et violence
en la possession de leur Eglise ; comme en pais de conquestes ;