RELIGION CHRESTIENiNE - Archive ouverte UNIGE

.DE ORAISON. 584
vrayement il domine, aucunesfois la predication de l'Evangile : Malt. 13.
par laquelle il establit sa domination. Combien toutesfois qu'il Jean 12.
n'est point de ce monde : pource que premièrement il est spirituel,
et consiste en choses spirituelles : et d'avantage il estincorsruptible
et éternel. Nous prions donc que ce Regne de Dieu.advienne
: c'est à dire, que de plus en plus tous les jours nostre
Seigneur augmente le nombre de ses subjectz et fidèles : desquelz
il soit en toutes manières glorifié, et qu'en ceux qu'il aura desja
appeliez en son Royaume, il distribue et multiplie tousjours
îo plus abondamment ses graces : par lesquelles de plus en plus
continuellement il vive et regne en eux jusques à ce que, les
ayant parfaictement uniz à soy, il les remplisse du tont. Et aussi
que de plus en plus il veuille illustrer sa lumière et sa vérité.
Parquoy les ténèbres et mensonges du Diable et de ses suppostz
i5s'evanouyssent, soient dechassées, confondues, et anneanties.
En priant que le Regne de Dieu ainsi advienne : pareillement
nous prions qu'il soit finalement consommé et accomply : qui
sera au jour de son Jugement : quand toutes choses seront révélées.
Auquel jour luy seul sera exalté, et sera tout en tous : 1.Cor.43.
so après avoir recueilly les siens en gloire, et avoir déprimé, sub- ,
jugué, et ruyné tout le régne du Diable.
. LA III. PETITION.
Ta volunté soit faicte en la terre comme au ciel.
Par laquelle nous demandons, que comme il ne se faict
23 rien au ciel sinon de son ordonnance : ainsi qu'il assubjectisse
la terre à son empire, abolissant toute contumace et rebellion.
Et que en ceste manière, en tout et par tout selon sa volunté
il gouverne et dispose toutes choses, conduise les evenemens
et yssues de toutes choses, use selon son plaisir de toutes ses
so creatures, et assubjectisse à soy toutes leurs voluntez : à fin
qu'elles obeyssent à la sienne. Voire mesmes qu'il impose tellement
Loy et joug aux meschantes cupiditez du Diable et des
reprouvez, qui s'efforcent de fuyr son commandement, et entant
que en eux est, le rejettent, qu'ilz ne puissent rien exécuter, que