RELIGION CHRESTIENiNE - Archive ouverte UNIGE

658 CHAPITRE XII.
mil' lieux, il soit cruellement tué et occiz. Ce n'est pas mon argument,
mais de l'Apostre, disant : Si Jesus Christ eust eu besoing
de s'offrir soy mesme souventesfois : il eust falu qu'il eust
souffert souventesfois depuis le commencement du monde.
s II fault traicter le quattriesme ouvrage de la Messe. C'est à scavoir
qu'elle nous oste le fruict qui nous provenoit de la mort de
Jesus Christ : entant qu'elle fait que nous ne le recongnoissons
et considérons point. Car qui se pensera estre racheté parla mort
de Jesus Christ ; quand il verra en la Messe une nouvelle redemp-
10 tion? Qui se confiera ses péchez y avoir esté remis, quand il verra
une autre remission? Et n'eschappera point celuy qui dira, que
nous n'obtenons point pour autre cause la remission des péchez
en la Messe, sinon pource qu'elle est desjà acquise par la mort de
Jesus Christ. Car il ne allègue autre chose, que s'il nous disoit,
is avoir esté rachetez par Jesus Christ, à ceste condition, que nous
mesmes nous rachetons. Car telle doctrine a esté semée par les
ministres de. Satan : et telle aujourd'huy la deffendent-ilz par cry,
par glaive et par feu : que quand nous offrons Jesus Christ au
Père en la Messe, par l'œuvre de ceste oblation, nous aquerons
20 remission des péchez et sommes faictz participans de la passion
de Jesus Christ. Que reste-il plus à la passion de Jesus Christ ;
sinon qu'elle soit un exemple de redemption ; par lequel nous
apprenons d'estre nous mesmes noz rédempteurs ?
Or je viens au dernier bien de la Messe : qui est, que la sacrée
25 Cène, en laquelle nostre Seigneur avoit laissé la memoire de sa
passion engravée et imprimée, par la Messe est ostée, perdue et
abolie. Car celle Cène est un don de Dieu : lequel devoit estre
prins et receu avec action de graces. Et aucontraire on faint
que le Sacrifice de la Messe est un payement qu'on faict à Dieu :
30 lequel il receoive de nous en satisfaction. Autant qu'il y a à dire
entre prendre et donner : autant il y a de différence entre Sacrement
et Sacrifice. Et certes ceste est une tresmalheureuse
ingratitude de l'homme : que, où il devoit recongnoistre la largesse
et libéralité de la bonté divine avec action de graces': il
35veult faire à croyre à Dieu qu'il l'oblige à soy. Le Sacrement
nous promettoit, que nous estions par la mort de Jesus Christ
restituez en vie : non pas pour une fois seulement, mais qu'en
estions assiduellement vivifiez : pource que lors a esté accomply
tout ce qui appartenoit à nostre salut. Le sacrifice de la