RELIGION CHRESTIENiNE - Archive ouverte UNIGE

734 cHAPi-rtt£ xv.
elle ne songe rien de soy : mais elle constitue le but de sa sapience,
là où Jesus Christ faict fin de parler. Et ainsi, tout ensemble,
elle s'ediffie des inventions de sa raison : et où elle est appuyée
de la parolle de Dieu, elle ne vacille ne doubte rien : mais en
s grande certitude et constance elle s'y repose seurement. Et de
faict, il est bon de considérer quel usage le Seigneur veult qu'on
receoive de son Esprit, en l'Eglise. L'Esprit, dit-il, que je vous
envoyeray du Père, vous conduira en toute vérité. Mais comment
cela ? Il adjouste consequemment : car il vous suggérera toutes les
10 choses que je vous ay enseignées. Il dénonce donc qu'il ne fault
rien d'avantage attendre de son Esprit, sinon qu'en illuminant
noz entendemens, il nous face recevoir la vérité de sa doctrine.
Pourtant la sentence de Chrysoslome est notable : Plusieurs,
dit-il, se vantent de l'Esprit : mais ceux qui apportent du leur,
is le prétendent faulsement. Comme Christ testifioit qu'il ne parloit
point de soymesme d'autant que sa doctrine es toit prinse de la
Loy et des Prophètes. En telle manière si on nous apporte soubz Malt, 18.
le tiltre de l'Esprit, quelque chose qui ne soit contenue en l'Evangile,
ne la croyons pas. Car comme Christ est l'accomplisse-
2o ment de la Loy et des Prophètes : aussi est l'Esprit, de l'Evangile.
Ce n'est donc de merveilles si Jesus Christ nous à recommandé
tant haultement l'auctorité de son Eglise : qu'il a voulu
celuy estre estimé pour Publicain et Gentil qui y contreviendroit.
Adjoustant une promesse singulière, que par tout où deux
25 ou troys conviendront en son Nom, il sera au milieu d'eux. Mais
c'est merveille : comment ces trompeurs sont si effrontez, qu'il/
s'osent glorifier de ce tesmoignage. Car que peuvent-ilz conclure
de ce ; sinon qu'ilz n'est pas licite de contemner le consentement
de l'Eglise ; laquelle n'accorde jamais sinon en la
30 vérité de Dieu ? Il fault escouter l'Eglise, disent-ilz. Qui le
nye ? D'autant qu'elle ne prononce rien sinon de la parolle de
Dieu. S'ilz demandent quelque chose d'avantage : qu'ilz entendent
que ces parolles de Christ ne leur favorisent en rien. Car
puis que la promesse est donnée à ceux qui sont congregez
33 au Nom de Christ, et que telle compaignie est appellee Eglise : Deul. /i.
nous n'accordons point qu'il y ayt autre Eglise, sinon celle Prov. 30.
qui soit congregée au Nom de Christ. Or est-ce estre congregée
au Nom de Christ, quand en mesprisant le mandement
de Dieu, par lequel il deffend d'oster ou adjouster à sa parolle,