RELIGION CHRESTIENiNE - Archive ouverte UNIGE

DE LA CENE. 661
se déduise des Sacrifices de la Loy Mosaïque, soubz l'umbre desquelz
le Seigneur a voulu représenter à son peuple toute la vérité
des Sacrifices spirituelz. Or combien qu'il y ayt eu plusieurs espèces
d'iceux : toutesfois elles se peuvent toutes rapporter à deux
5 membres. Car ou l'oblation estoit faicte pour le péché, par une
manière de satisfaction, dont la faulte estoit rachetée devant
Dieu : ou elle se faisoit pour un signe du service divin, et comme
un tesmoignage de l'honneur qu'on luy rendoit. Et soubz ce second
. membre estoient comprins trois genres de sacrifice. Car feust qu'on
10 demandast sa faveur et grace par forme de supplication : Feust
qu'on luy rendit louënge pour ses benefices : Feust qu'on s'exercitast
simplement à renouveler la memoire de son Aliance : cela
appartenoit tousjours à testifier la reverence qu'on avoit à son
Nom. Parquoy se doibt à ce second membre référer ce qui est
is nommé en la Loy Holocauste, libation, oblation, premiers fruictz,
et les hosties pacifiques. A ceste cause nous aussi diviserons les
sacrifices en deux parties : et en appellerons un genre destiné à
l'honneur et reverence .de Dieu, par lequel les fidèles le recongnoissent
estre celuy, dont leur provient et procède tout bien :
20 et à ceste cause luy rendent grace, comme elle luy est deuë. Et
l'autre sacrifice, propitiatoire ou d'expiation. Sacrifice d'expiation
est celuy, lequel est faict pour appaiser l'ire de Dieu, satisfaire
à sa justice, et en ce faisant, purger les péchez et nettoyer : à fin
que le pécheur estant purifié des macules d'iceux, et estant res-
25titué en Pureté de justice, soit remis en grace avec Dieu. Ainsi
estoient appelléez les hosties qui estoient offertes en la Loy pour
effacer les péchez. Non pas qu'elles feussent suffisantes pour
abolyr l'iniquité, ou reconcilier les hommes à Dieu : mais d'autant
qu'elles figuroient le vray sacrifice, qui a finalement esté
30 parfaict à la vérité par Jesus Christ : et par luy seul : pource
que nul autre ne le povoit faire. Et a esté faict une seule fois :
pource que de celuy seul faict par Jesus Christ, la vertu et efficace
est éternelle. Comme luy mesme par sa voix l'a tesmoigné,
quand il diet, tout avoir esté parfaict et accomply. C'est à
35 dire que tout ce qui estoit nécessaire pour nous reconcilier en la
grace du Père, pour impetrer remission des péchez, justice et
salut : tout ce estoit par la sienne seule oblation parachevé :
consommé, et accomply. Et tellement rien ne deffailloit, que
nul autre sacrifice ne povoit après avoir lieu. Pourtant nous
\