RELIGION CHRESTIENiNE - Archive ouverte UNIGE

466 CHAPITRE VII.
sembloit advis, que ce fust chose raisonnable, que Dieu qui avoit
si long temps segregé Israël des autres nations subitement,
comme ayant changé de propos ostast une telle distinction.
Cela avoit bien esté predict par les Prophètes. Mais ilz ne
5 pouvoient pas estre si attentifz à escouter les Prophéties, que
la nouvelleté ne les esmeut bien fort. Les exemples que Dieu
avoit au paravant donnez pour monstrer ce qu'il devoit faire,
n'estoient point suffisant, pour les délivrer de scrupules.
Car il avoit appelle bien peu de Gentilz à son Eglise : et
10 d'avantage, en les appellant il les avoit incorporez par
la Circoncision au peuple d'Israël, à ce qu'ilz fussent
comme de la famille d'Abraham. Or par la vocation
publique des Gentilz, qui a esté faicte
après l'Ascension de Jesus Christ, non
is seulement ilz ont esté eslevez en
mesme degré d'honneur que les
Juifz : mais, qui plus est, ilz
ont esté substituez
en leur lieu.