RELIGION CHRESTIENiNE - Archive ouverte UNIGE

744 CHAPITRE XV.
Apostres, de vacquer à distribuer les aumosnes en délaissant la
parolle de Dieu : par cela ilz sont convaincuz, qu'il n'est pas en
un homme seul de faire l'office d'un bon Prince et d'un bon
Evesque ensemble. Car si iceux Apostres, lesquelz selon l'excelslence
des graces qu'ilz avoient receuës de Dieu, estoient beau-Act. 6,
coup plus suffisans pour satisfaire à grandes charges que nul qui
ayt esté depuis : eux ont neantmoins confessé qu'ilz ne povoient
ensemble vacquer à l'administration de la parolle et des aulmones,
qu'ilz ne defallissent soubz le faiz. Gomment ceux icy ; qui
10 au pris des Apostres, ne sont du tout rien ; pourroient-ilz au
centuple surmonter leur diligence ? Certes c'estoit une hardiesse
trop téméraire, d'attemter une telle entreprinse : toutesfois
il a esté faict. Comment ilz en est prins, chascun le voit :
et certes l'issue n'en povoit estre autre, sinon que telz entreprei5neurs,
renonceans à leur propre charge, feissent le mestier des
autres. Les Princes qui ont 'tant eslargy de leurs biens pour
enrichir les Evesques, avoient quelque zèle de pieté : Mais par
ceste largesse desordonnée, ilz ont tresmal pourveu au proffit de
l'Eglise : de laquelle ilz ont corrumpu; ou plustost du tout
20 anneanty, la vraye et ancienne intégrité. D'autrepart les Evesques
qui ont abusé de ceste facilité des Princes à leur proffit :
en ce faisant se sont assez declairez n'estre nullement Evesques
Finalement, pour conclure en brief, de toutes leurs deux puissances,
quand ilz combattent aujourd'huy si courageusement
as pour les maintenir : il est aisé à voir, que c'est qu'ilz cerchent.
S'ilz resignoient leur regne spirituel, pour le céder à Jesus
Christ : il n'y auroit nul dangier, ne pour la gloire de Dieu, ne
pour la saine doctrine, ne pour le bien de l'Eglise. Pareillement
s'ilz se demettoient de ce bras séculier, le proffit public de l'Eäoglise
n'en seroit en rien diminué. Mais ^pourtant qu'il leur est
advis, que rien ne pourra bien aller, s'ilz ne dominent (comme
dit le Prophète) avec rudesse et puissance : ilz sont transportez
et aveuglez d'une insatiable cupidité de dominer. Ezec. 34..
Mais c'est assez d'avoir diet cela, en passant du patrimoine
35 de l'Eglise. Je reviens maintenant au regne spirituel, lequel
nous avons proprement icy à traicter. En la deffense duquel
quand ilz se voyent destituez de toute ayde de raison : ilz
recourent à ce dernier et miserable refuge. C'est à scavoir,
que encores qu'ilz soient ignorans d'entendement et pervers de