RELIGION CHRESTIENiNE - Archive ouverte UNIGE

612 CHAPITRE XI.
scavoir faire en partie aux enfans ce qu'elle faict en eux parfaitement?
Car si la plenitude de vie est en la parfaicte congnoissance
de Dieu : puis que le Seigneur reserve à salut d'aucuns,
lesquelz decedent petis enfans de ce monde : il est certain
s qu'ilz auront la pleine manifestation de Dieu. Puis donc qu'ilz
l'ont parfaictement en la vie future ; pourquoy n'en pourront-ilz
avoir icy quelque petit goust ? Non pas que nous veuillons
affermer que les enfans ayent Foy, d'autant que nous ne scavons
comment Dieu besongne en eux. Mais nostre intention
10 est de monstrer la témérité et presumption de ces gens : lesquelz
selon leur folle phantasie afferment et nyent ce que bon leur
semble : sans avoir nul esgard à toute raison qu'on scauroit
amener.
Mais il.z pressent encores de plus près, disant que le Baptesme
îsest Sacrement de Penitence et de Fqy : comme l'Escriture nous
enseigne. Puis donc que Penitence et Foy ne peuvent estre en
un petit enfant : c'est une chose mal convenable, de leur appliquer
le Sacrement : veu qu'en ce faisant sa signification est rendue
vaine. Cesargumens combatent contre l'ordonnance de Dieu,
20 plus que contre nous. Car que la Circoncision ayt esté signe de .,
Penitence, il appert par plusieurs tesmoignages de l'Escriture :
. principalement du quattriesme chapitre de Jeremie. Et Sainct
Paul le nomme Sacrement de la justice de Foy. Qu'on demande
donc raison à Dieu, pourquoy il l'a faict appliquer aux petis
25 enfans. Car puis que c'est une mesme raison : si cela n'a esté
faict desraisonnablement : il n'y a non plus d'inconvénient au
Baptesme. S'ilz cerchent leurs substerfuges accoustumez, que les
enfans d'eage ont figuré les vrays enfans régénérez, cela desjà
leur est osté. Voicy donc que nous disons, puis que nostre Sei-
3ogneur a voulu que la Circoncision, combien qu'elle feust Sacrement
de Foy et Penitence, feust communiquée aux enfans : il
n'y a nul inconvenient que le Baptesme leur soit communiqué.
Si ces calumniateurs ne veullent d'adventure accuser Dieu, en
ce qu'il a faict telle ordonnance. Mais la vérité, sapience, et-
35 Justice de Dieu reluyt assez clairement en tous ses faictz, pour,
confondre leur folie, mensonge et iniquité. Car combien que
les enfans ne comprinsent point pour lors que vouloit dire
la Circoncision : si ne laissoient-ilz pas d'estre circonciz en la
chair à la mortification intérieure de leur nature corrompue