RELIGION CHRESTIENiNE - Archive ouverte UNIGE

DU BAPTESME. 595
et d'icelle, comme de la vraye source, deduyre l'exposition de
toute doctrine spirituelle. Si nous avons une fois ce fondement
en ceste matière : lequel doibt estre perpétuel aux Chrestiens,
et general par toute la parolle de Dieu : il nous sera aisé de
s congnoistre, comment le Baptesme n'est pas communiqué aux
pètis enfans sans la volunté et institution du Seigneur : et d'autrepart
de nous despescher et resouldre de toutes les difficultez,
dont se sont aucuns enveloppez, par faulte d'observer ceste reigle
. tant nécessaire.
io Maintenant pour venir particulièrement au present propoz :
ce doibt bien estre une chose résolue entre les fidèles : que la
droicte consideration des signes ou Sacremens, que le Seigneur
a laissez et recommandez à son Eglise, ne gist point en l'exterio-
[ri]té ou cérémonie externe seulement : mais principalement dels
pend des promesses et misteres spirituelz que nostre Seigneur a
voulu représenter par telles ceremonies. Parquoy pour bien recongnoistre
que c'est que du Baptesme et qu'il emporte, il n'est pas
question de s'arester du tout à l'eauë, et ce qui se fait extérieurement
: mais il est besoing d'eslever noz pensées aux promesses
20 de Dieu qui nous y sont données : aux choses intérieures et spirituelles
qui nous y sont demonstrées. Si nous avons cela, nous
tenons la substance et la vérité du Baptesme : et mesmes de là
viendrons à comprendre à quelle fin a esté ordonnée ceste aspersion
d'eauë qui se fait, et de quoy elle nous sert. D'autrepart si ces
2s choses mesprisées et laissées, nous avons l'esprit fiché seulement
et du tout, en l'observation extérieure : nous ne comprendrons
jamais la vertu ne l'importance du Baptesme : ne mesmes
que veult dire ceste eaüe de laquelle on y use : ne qu'elle signifie.
Nous ne poursuyvons pas cecy par longues parolles, veu
30 que c'est une chose tant clairement et si souvent demonstrée en
l'Escriture, qu'elle ne peut estre aucunement doubteuse ne obscure
entre les Chrestiens.
Il reste donc au surplus, de cercher es promesses données au
Baptesme quelle est la propre substance d'iceluy. L'Escriture nous
35 enseigne que la remission et purgation de noz péchez que nousayons
parl'effusiondusang de Jesus Christ, nous est premièrement représentée
après la mortification de nostre chair, que nous obtenons pareillement
en communiquant àsamort, pour ressusciter ànouveauté
dévie. G'està scavoir à innocence, saincteté, etpureté. En quoy nous