RELIGION CHRESTIENiNE - Archive ouverte UNIGE

DE LA LIBERTÉ
CHRESTIENNE.
CHAP. XIIII.
Il FAULT maintenant traicter delà liberté Chrestienne : laquelle
celuy ne doibt oublier de declairer, qui a proposé de comprendre
en un brief recueil une somme de la doctrine Evangelique. Car
c'est une chose tresnecessaire : et sans la congnoissance de las
quelle à grand peine les consciences osent entreprendre chose
quelconque, sinon en doubte, souvent hésitent, et s'arrestent :
tousjours tremblent et vacillent. Or combien que nous en ayons
touché quelque fois cy dessus, nous en avons toutesfois remis et
réservé la disputation entière jusques à ce présent lieu : pour-
10 tant que si tost que quelque mention de la Liberté Chrestienne
est mise en avant, incontinent les uns laschent la bride à leurs
concupiscences : Les autres esmeuvent grandz tumultes, si
quant et quant on ne met ordre à festraindre telz legiers esprits,
qui corrompent les meilleures choses qu'on leur scauroit presents
ter. Car les uns soubz couleur de ceste Liberté, rejettent toute
obeyssance de Dieu : et abandonnent toute licence à leur chair.
Les autres contredisent, et ne veulent ouyr parler de ceste liberté
: par laquelle ilz pensent que tout ordre, toute modestie, et
discretion des choses soient renversées: Que ferons-nous icy ;
20 estans encloz en tel destroict ?
Vauldroit-il pas mieux laisser derrière la liberté Chrestienne;
pour obvier à telz dangiers ? Mais comme il a esté diet, sans la
congnoissance d'icelle ne Jesus Christ, ne la vérité de l'Evangile
n'est pas droictement congneuë. Plustost donc au contraire il
25 fault mettre peine que ceste doctrine si nécessaire ne soit pas
obmise ne ensevelie : et ce pendant neantmoins que les objections
absurdes, qui se peuvent icy esmouvqir soient reprimées.
La liberté Chrestienne, selon mon jugement, est située en
troys parties. La premiere est que les consciences des fidèles,
30 quand il est question de cercher asseurance de leur justification