RELIGION CHRESTIENiNE - Archive ouverte UNIGE

DE LA CENE. 663
la dignité, Testât, et office de tel Sacrificateur.
Soubz l'autre espèce de Sacrifice qui est appelle Sacrifice d'action
de graces ou de loüenge, sont contenuz tous les offices de
charité : lesquelz quand ilz se font à noz prochains, se rendent
s aucunement à Dieu : lequel est ainsi honoré en ses membres. Sont
aussi contenues toutes noz prières, louenges, action de graces, et
tout ce que nous faisons pour servir et honorer Dieu. Lesquelles
oblations dépendent toutes d'un plus grand Sacrifice : par lequel
nous sommes en corps et ame consacrez et dédiez pour Sainctz
10 temples à Dieu. Car ce n'est point assez, si noz actions intérieures
sont employées à son service : mais il est convenable que nous
premièrement, après toutes noz œuvres, luv soient dédiées : à fin
que tout ce qui est en nous, serve à sa gloire, et exalte sa magnificence.
Ceste manière de Sacrifice n'appartient rien à appaiser
)5 l'ire de Dieu, et impetrer remission des péchez, ne pour mériter
et acquérir justice, mais seulement tend à magnifier et glorifier
Dieu. Car elle ne luy peut estre aggreable, si elle ne procède de
ceux qui ayans obtenu remission de péchez, sont desjà reconciliez
à luy, et justifiez d'ailleurs. Et d'avantage tel Sacrifice est si
20 nécessaire à l'Eglise, qu'il n'en peut estre hors. Et pourtant il sera
éternel, tant que durera le peuple de Dieu : comme aussi il a esté
escrit parle Prophète. Car il fault ainsi prendre ce tesmoignage Mala. I.
du Prophète. Depuis Orient jusques en Occident mon Nom est
grand entre les gens: et en tout lieu encenscement est offert à mon
as Nom, et oblation nette et pure. Car mon Nom est terrible entre
les gens, diet le Seigneur. Tant s'en fault-il que nous l'en ostions. Rom. 12.
Ainsi Sainct Paul nous commande, que nous offrions noz corpz
Sacrifice vivant, sainct, plaisant à Dieu, raisonnable service. Auquel
lieu il a tresproprement parlé : quand il aadjousté quecestuy
30 est le service raisonnable que nous rendons à Dieu. Car il a entendu
une spirituelle forme de servir et honorer Dieu : - laquelle il a
opposée tacitement aux charnelz sacrifices de la Loy Mosaïque.
En ceste manière les ausmones et bienfaietz sont appelles hosties,
esquelles Dieu prend plaisir. En ceste manière la libéralité
35 des Philippiens, par laquelle ilz avoient subvenu à l'indigence Philip. 4.
de Sainct Paul, est nommée oblation de bonne odeur : et toutes
les œuvres des fidèles hosties spirituelles. Et qu'est-ce qu'il est
mestier de faire longue poursuyte : veu que ceste forme de
parler est si souvent en l'Escriture ? Mesme ce pendant que
\