RELIGION CHRESTIENiNE - Archive ouverte UNIGE

DU BAPTESME. 605
Que les enfans d'Abraham pour lors ont esté sa lignée charnelle :
maintenant ce sont ceux qui ensuyvent sa Foy. Et pourtant que
les enfans d'eage, qui estoient pour lors circonciz, ont figuré les
enfans spirituelz, qui parla parolle de Dieu sont régénérez à vie
5 incorruptible : en quoy nous recongnoissons quelque petite estincelle
de vérité. Mais en cela s'abusent ces povres estourdiz, que
ayant leu quelque chose, ilz n'ont point l'entendement de passer plus
oultre à considérer ce qui reste encores : ne le jugement pour
discerner et accorder tout ce qui appartient à la matière. Nous
10 confessons bien que la Semence corporelle d'Abraham a tenu
pour un temps le lieu des enfans spirituelz, qui par Foy sont
incorporez avec luy : Car nous sommes appeliez ses enfans : combien
que nous ne luy attouchons point de parentage charnel.
Mais s'ilz entendent, comme certainement ilz demonstrent, que
lônostre Seigneur neust point promiz aussi sa benediction spirituelle
à la semence charnelle d'Abraham : en cela ilz s'abusent
grandement : pourtant voycy la droicte intelligence où nous meine
l'Escriture. C'est que le Seigneur a donné la promesse à Abraham,
que de luy sortiroit la semence, dont toutes les nations de
2o la terre seroient beneistes et sanctifiées : luy asseurant qu'il seroit
son Dieu et le Dieu de sa semence. Tous ceux qui receoivent
Jesus Christ par Foy sont héritiers de ceste promesse : et pourtant
sont nommez enfans d'Abraham. Or combien que après la
resurrection de Jesus Christ, le Royaume de Dieu a esté publié
25 par tout indiferemment pour y faire ouverture à tous peuples et
nations : à fin, comme il dit, que d'Orient et d'Occident veinssent
fidèles pour avoir place au Royaume celeste, en la compagnie d'Abraham,
Isaac et Jacob. Toutesfois tout le temps qui avoit precede,
nostre Seigneur avoit ordinairement contenu une telle miséricorde
30 entre les Juifz : lesquelz il disoit estre son Royaume, son peuple
peculier, sa propre possession. Or le Seigneur pour declairer une
telle grace envers ceste nation, leur a ordonné la Circoncision
: laquelle leur feust en signe qu'il se declaroit pour leur
Dieu, les recevant en sa protection, pour les conduire en la vie
35 éternelle. A ceste cause Sainct Paul, voulant mônstrer que Rom A.
les Gentilz sont enfans d'Abraham comme les Juifz, parle
en ceste manière. Abraham a esté justifié par Foy devant
qu'estre circonciz, après a receu la Circoncision pour séel de
sa justice : à fin qu'il feust de tous croyans incirconciz, et