RELIGION CHRESTIENiNE - Archive ouverte UNIGE

Î)E LÀ fcREDESÏtNAÏION. 497
la Foy? Pareillement en Manassé, ce pendant qu'il espandoit
le sang des Prophètes, jusques à en faire regorger la ville de
Jerusalem. Aussi bien au brigand, lequel vint à repentance en
rendant l'esprit. Pourtant laissons là ces inventions legeres, que
5 se forgent hors l'Escriture je ne scay quelz entendemens curieux.
Plustost que ce que contient l'Escriture nous demeure ferme.
A scavoir que nous avons esté tous comme povres brebis esgarées
; et qu'un chascun est décliné en sa voye : c'est à dire, perdition.
Ainsi que de ce goulfre de perdition, le Seigneur retire
10 ceux que bon luy semble, non pas du premier coup, mais différant
en son opportunité : ce pendant- qu'il les conserve, de peur
qu'ilz ne tresbuehent en blaspheme irrémissible.
Gomme le Seigneur, par la vertu de sa vocation, conduit
ses esleuz au salut, auquel il les avoitpreordonnez en son con-
15 seil éternel : aussi d'autrepart il ha ses jugemens sur les reprouvez,
par lesquelz il execute ce qu'il a déterminé d'en faire.
Pourtant ceux qu'il a créez à damnation et mort éternelle, à fin
qu'ilz soient instrumens de son ire, et exemples de sa sévérité,
pour les faire venir à leur fin : ou il les prive de la faculté d'ouyr
20 sa parolle, ou par la predication d'icelle, il les aveugle et endurcist
d'avantage. Du premier membre nous en avons exemples
infiniz : mais nous en eslirons un, qui est notable par dessus les
autres. Il s'est passé plus de quatre mil' ans devant l'advenement
de Christ, que le Seigneur a tousjours caché à toutes gens
25 la lumière de sa doctrine salutaire. Si quelqu'un allègue, qu'il
n'a point faict les hommes de ce temps là participans d'un
tel bien, pour ce qu'il les en estimoit indignes : les successeurs
n'en .sont non plus dignes. Pourquoy donc a-il faict ceste
grace aux uns ; plustost qu'aux autres ? Si quelqu'un veult icy
30 cercher raison plus haulte, que le conseil secret et occulte de
Dieu : il se tormentera en vain. Et ne fault craindre que quelque
disciple de Porphyre, ou autre blasphémateur ayt licence de
detracter contre la Justice de Dieu, si nous ne respondons
rien. Car quand nous affermons que nul ne perist sans l'avoir
35 mérité : et que c'est de la beneficence gratuite de Dieu, qu'aucuns
sont délivrez de damnation : cela suffit pour maintenir la
gloire de Dieu, sans ce qu'elle ayt mestier de noz tergiversations,
pour èstre deffendue. Le Seigneur donc, en privant
de la lumière de sa vérité, et délaissant en aveuglement
Institution. 32