RELIGION CHRESTIENiNE - Archive ouverte UNIGE

DE LA PUISSANCE ECCLESIASTIQUE. 749
par traditions humaines, et que Dieu est en vain par icelles servy,
pensent que ce soit une mesme raison des reigles qui sont
mises pour tenir ordre en l'Eglise : Il fault ici obvier à leur erreur.
Certes il est facile de s'abuser en cest endroit : pourtant qu'il
5 n'appert pas, de prime face, quelle difference il y a entre ces
deux espèces. Mais nous despecherons le tout si clairement, que
nul ne sera doresnavant deceu par la similitude. Ayons premièrement
ceste consideration : c'est que si nous voyons estre nécessaire
qu'en toutes compaignie des hommes il y ayt quelque police,
10 pour entretenir paix et concorde entre eux : si en toutes choses
il fault qu'il y ayt quelque ordre, pour conserver une honesteté
publicque, et mesmes une humanité entre les hommes : que ces
choses principalement se doivent observer aux Eglises. Lesquelles
premièrement sont maintenues par bon ordre, et par discorde
is.sont du tout dissipées. Parquoy si nous voulons tresbien pourveoir
à la conservation de l'Eglise : il fault mettre diligence,
que tout se face decentement et avec bon ordre : ainsi le com- l-Cor.U.
mande Sainct Paul. Or puis qu'il y a si grandes repugnances d'espritz
et de jugemens : nulle police ne scauroit consister en eux,
20 si elle n'est arrestee par quelques certaines Loix : et nul ordre
ne s'i pourroit bien conserver, sans quelques certaine forme. Tant
s'en fault que nous reprouvions les Loix qui tendent à ceste fin :
que mesmes nous affermons, que sans icelles les Eglises seroient
incontinent dissipées et defformées. Car autrement il ne se pour-
25 roit faire (ce que Sainct Paul requiert) que tout s'y fist decentement
et par ordre : si l'ordre et l'honesteté n'estoit conservée
par quelque certaine forme. Neantmoins il fault tousjours songneusement
prendre garde en telles observances, qu'elles ne
soient estimées nécessaires à salut, pour lyer les consciences :
30 ou que l'on n'y constitue l'honneur et le service de Dieu, comme
si la vraye pieté estoit en elles située. Laquelle seule difference
discerne entre les maudictes constitutions, desquelles nous
avons diet, que la vraye Religion est obscurcie, et les consciences
abismées : et entre les sainctes ordonnances de l'Eglise,
35 lesquelles tendent tousjours à l'un de ces butz, ou de garder quelque
honesteté en la compaignie des fidèles, ou d'entretenir paix
et concorde entre eux. Or depuis qu'on a une fois congneu,
qu'une Loy est mise pour une reigle d'honesteté, la superstition
en est desjà ostée : en laquelle tresbuchent ceux qui cons-