RELIGION CHRESTIENiNE - Archive ouverte UNIGE

S76 CHAPITRE X.
qu'il a ordonnée ne soit vaine et infructueuse : toutesfois nous '
enseignons que la grace intérieure de l'Esprit, comme elle est distincte
du ministère intérieur, aussi doibt estre considérée separéement
d'iceluy. Quand telle doctrine est baillée des Sacremens,
s leur dignité est suffisamment esclarcie, et l'usage demonstré, et
l'utilité recommandée. Ce pendant il y a une bonne moderation
gardée, de ne leur point deffèrer plus qu'il ne fault : et ne leur
rien oster de ce qui leur convient.
Le nom de Sacrement, commenous en avons parlé jusques icy,
locomprent généralement tous les signes que Dieu a jamais assi- •
gnez et donnez aux hommes, à fin de les acertener et asseurer
de la vérité de ses promesses. Et aucunesfois il les a voulu estre en
choses naturelles : aucunesfois il les a voulu presenter en miracles.
De la premiere forme les exemples sont,, comme quand il donna
is l'arbre de vie à Adam et Eve, pour arre dimmortalité : à fin
qu'ilz se tinsent asseurez de l'avoir, tant qu'ilz mengeroient du
fruict de cest arbre. Et quand il proposa l'arc du ciel à Noé, pour Gene. 2.
signe et enseigne à luy et à sa postérité, qu'il ne perdroit jamais Gene. 9.
plus la terre par deluge. Adam et Noé ont eu ces choses pour
2o Sacremens : non pas que l'arbre leur donnast immortalité, laquelle
elle ne se pouvoit donner à elle mesme : ne que l'arc, qui
n'estseulement qu'une reverberation des rays du Soleil encontre
les nuées, eust la vertu de retenir et arrester les eaües : mais
par ce qu'ilz avoient la marque engravée en eux par la parolle de
23 Dieu, pour estre enseignes, et seaux de ses promesses. Et certes
auparavant l'arbre estoit arbre, et l'arc estoit arc : mais après
qu'ilz ont esté marquez par la parolle de Dieu, il leur a esté baillé
nouvelle forme, pour commencer d'estre ce que devant ilz n'estoient
pas. Et à fin que quelqu'un n'estime pas cecy estre diet
30 en vain : l'arc mesmes nous est encores aujourd'huy tesmoing de
celle promesse et convenance que Dieu accorda avec Noé, et
toutesfois et quantes que nous le regardons, nous congnôissons
en luy celle promesse de Dieu, que la terre jamais ne sera perdue
par deluge? Parquoy si quelque Philosophe volant, pour se
35 moquer de la simplicité de nostre Foy, dit que celle variété
de couleurs qui faict l'arc naturellement, provient de la reverberation
des rays du Soleil et de la nuée opposite : nous aurons
à luy confesser. Mais nous pourrons reprendre son ignorance, en
ce qu'il ne recongnoist point Dieu estre le Seigneur de nature :,qui,