RELIGION CHRESTIENiNE - Archive ouverte UNIGE

DE LA CENE. 655
faict mention, comme s'il eust tousjours vescu sans fin. Par
ceste similitude Jesus Christ a esté diet Prestre selon son ordre.
Or ceux qui tous les jours sacrifient, il est nécessaire qu'ilz
ayent des Prestres pour faire leur oblations, lesquelz soyent
5 subroguez à Jesus Christ, comme successeurs et vicaires. Par laquelle
-subrogation non seulement ilz despouillent Jesus Christ
de son honneur, et luy ravi[s]sent sa prerogative de Prestrise éternelle
: mais ilz s'efforcent de le dejetter de la dextre de son
Père : en laquelle il ne peut estre assiz immortel, qu'ensembleio
ment il ne demeure Prestre éternel. Et qu'ilz ne allèguent point,
que leurs Sacrificateurs ne sont point substituez vicaires à Jesus
Christ comme trespassé : mais que seulement ilz sont souffragans
de son Eternelle Prestrise : laquelle ne laisse point pour cela de Hebr. 7.
consister tousjours en son estât. Car par les parolles de l'Apostre
is ilz sont prins de trop près pour ainsi eschapper. Il dit que plusieurs
estoient faietz Prestres, pourtant qu'ilz estoient empeschez par
mort de pouvoir tousjours durer. Jesus Christ donc qui ne peut
estre empesché par mort, est seul et n'a besoing de compaignons.
Pour la seconde vertu de la Messe il a esté proposé, qu'elle
20 ensepvelit et opprime la croix et passion de Jesus Christ.
Vrayement cela est trescertain. Car si Jesus Christ s'est offert
soymesme en la croix en sacrifice, à fin qu'il nous sanctifiast à
perpétuité, et nous acquist éternelle redemption, sans doubte
l'effect et efficace de ce Sacrifice dure sans fin. Autrement
25 nous ne l'aurions en plus grand'estime que les beufz et veaux, Hebr. 40.
qui en la Loy estoient immolez, desquelz les oblations sont
prouvez avoir esté inefficaces, imbecilles et de nul effect et vertu
: par cela qu'elles estoient souventesfois réitérées. Parquoy
il fault confesser, ou bien que au Sacrifice de Jesus Christ, qu'il
30 a faict en la croix, a deffally la vertu d'éternelle purgation et
sanctification : ou bien que Jesus Christ a faict un seul Sacrifice
une fois pour toutes. C'est ce que diet l'Apostre, que ce grand Hebr. 9.
Prestre ou Pontife Christ, par le Sacrifice de soymesme, s'est
apparu une fois en la consummation des siècles, pour effacer,
35destruire, et abolir le péché. Item, Que la volunté de Dieu a
esté de nous sanctifier par l'oblation de Jesus Christ faicte une
seule fois. Item, Que par une seule oblation il a parfaietz à per- Hebr. 10.
petuité ceux qui sont sanctifiez. Et adjouste une sentence notable
: que puis que la remission des péchez nous est une fois
\