RELIGION CHRESTIENiNE - Archive ouverte UNIGE

508 CHAPITRE VIII.
de sa volunté, sinon en sa parolle? Pourtant en tout ce que nous
avons à faire, il nous fault contempler la volunté de Dieu telle,
qu'il nous la declairée en icelle parolle. Dieu requiert de nous
seulement ce qu'il commande. Si nous faisons rien contre
5 son précepte, ce n'est pas obeyssance : mais plustost contumace
et transgression. Hz répliquent, que nous ne le ferions pas
s'il ne le vouloit. Je le confesse : mais le faisons-nous à fin de
luy complaire ? Or il ne nous le commande pas : mais nous entreprenons
le mal, ne pensans point à ce que Dieu demande.
îoAins estans tellement transportez de la rage de nostre intemperance
: que de propoz délibéré, nous taschons de luy contrevenir.
En ceste manière nous servons bien à sa juste ordonnance,
en mal faisant : pource que par la grandeur infinie de
sa sapience, il se scayt droictement ayder de mauvais instruis
mens à bien faire. Mais regardons combien leur argument
est inepte. Hz veulent que les crimes demeurent impuniz,
et soient libres à ceux qui les font : pource qu'ilz ne se commettent
point sans la disposition de Dieu. Je dy d'avantage,
que les larrons et meurtriers, et autres malfaicteurs sont ins-
20 trumens de la Providence de Dieu : desquelz le Seigneur use à
exécuter les jugemens qu'il a décrétez. Mais je nye que, pour
cela, ilz puissent prétendre excuse aucune. Car quoy ? Envelopperont-ilz
Dieu en une mesme iniquité avec eux ; ou bien
couvriront-ilz leur perversité par sa justice ? Hz ne peuvent
25 ne l'un ne l'autre : et leur conscience les redargue tellement,
qu'ilz ne se peuvent purger. De taxer Dieu, ilz ne peuvent :
veu qu'ilz trouvent en eux tout le mal : en luy rien, sinon
un usage bon et legitime de leur malice. Néanmoins il besongne
par eux, dira quelqu'un. Et don^t vient la puanteur
30 en une charongne ; après qu'elle est ouverte et pourrie ?
Chascun voit bien, que cela vient des rayes du Soleil. Et
toutesfois personne ne dira qu'ilz puent pourtant. Ainsi
puis que la matière et faulte du mal consiste en un mauvais
homme : pourquoy Dieu en tirera-il quelque macule
35 et ordure ; s'il en use selon sa volunté ? Pourtant chassons
cesté petulence de chien , laquelle peut bien abbayer
de loing la justice de Dieu , mais ne la peut attoucher.
Toutesfois ces absurditez ne. se peuvent myeux ne plus