RELIGION CHRESTIENiNE - Archive ouverte UNIGE

DE LA CENE. 627
nourrit, substante et conserve la vie de nostre corps : aussi le
corps de Jesus Christ est la viande, la nourriture et conservation
de nostre vie spirituelle. Et quand nous voyons le vin nous
estre offert pour signe de son sang : il nous fault penser, tout
»ce que fait et profite le vin au corps humain, pour estimer que
le sang de Jesus Christ nous fait et proffite autant spirituellement.
C'est qu'il confirme, conforte, recrée et rejouyst. Car si
nous considérons bien que nous a proffite ce que le corps, tressacré
de Jesus a esté livré, et son sang espandu pour nous:-
10 clairement nous verrons que cela qu'on attribue au pain et au
vin, selon ceste analogie et similitude, leur convient tresbien.
Ce n'est donc pas le principal du Sacrement, de nous presenter
simplement le corps de Jesus Christ : mais c'est plustost
de signer et confirmer celle promesse, par laquelle Jesus
is Christ nous dit que sa chair est vrayement viande, et son sang
breuvage : desquelz nous sommes repeuz à vie éternelle. Car Jean 6.
il se certifie estre le pain de vie : duquel quiconque aura menge,
vivra éternellement. Et pour ce faire, c'est à scavoir pour
signer la promesse susdicte : le Sacrement nous envoyé à la
20 croix de Jesus Christ, où celle promesse a esté pleinement vérifiée
et entièrement accomplie. Car ce que Jesus Christ s'est
appelle pain de vie, n'a pas esté pour raison du Sacrement (comme
plusieurs l'ont faulsement interprété^ mais pour ce qu'il
nous avoit esté donné tel du Père : et s'est monstre tel, quand,
as s'estant faict participant de nostre humaine mortalité, il nous
a faictz aussi participans de son immortalité divine : quand se
offrant en sacrifice, il s'est chargé de nostre malediction, pour
nous rempli* de sa benediction : quand en sa mort il a dévoré
et anglouty la mort : quand en sa resurrection il a ressus-
30 cité en gloire et incorruption nostre chair corruptible laquelle
il avoit vestue. Laquelle, sentence est prouvée clairement
en ces parolles qu'il dit en Sainct Jean. Le pain que je donne- Jean 6.
ray est ma chair : laquelle je donneray pour la vie du monde.
Où sans doubte il demonstroit, que son corps seroit en pain
35 pour la vie spirituelle de nostre ame : à cause qu'il le devoit exposer
pour nostre salut à la mort. Car il a donné une fois pour
pain, quand il l'a livré pour estre crucifié en la redemption du
monde. Il le donne journellement, quand par la parolle de son
Evangile il l'offre : à fin que nous y participions, entant qu'il