RELIGION CHRESTIENiNE - Archive ouverte UNIGE

DE LA VIE CHRESTIENNE. 809
laquelle nous mordra. Pour laquelle cause, estans affligez
de maladie, nous gémirons, et nous plaindrons, et désirerons
santé estans pressez d'indigence, nous sentirons quelques
aiguillons de perplexité et solicitude. Pareillement l'ignominie,
s contemnement, et toutes autres injures nous navreront le cœur.
Quand il y aura quelqu'un de noz parens mort, nous rendrons à
nature les larmes qui luy sont deües. Mais nous reviendrons
tousjours à ceste conclusion. Neantmoins Dieu l'a voulu, suyvons
donc sa volunté. Mesme il fault que ceste cogitation intervienne
îoparmy les punctions de douleur, et larmes, et gemissemens : à
fin de réduire nostre coeur à porter joyeusement les choses, desquelles
il est ainsi contristé.
Pource que nous avons prins la principale raison de bien tollerer
la croix, 'de la consideration de la volunté de Dieu : il fault
is brièvement diffinir, quelle difference il y a entre la patience
Chrestienne et Philosophique. Il y a eu bien peu de Philosophes,
qui soient montez si hault,que d'entendre les hommes estre exercitez
de la main de Dieu par afflictions : pourtant qu'en cest endroict
il nous fault obtempérer à sa volunté. Mais encores ceux qui sont
2o venuz jusques là, n'ameinent point d'autre raison, sinon, pource
qu'il est nécessaire. Or qu'est-cela dire autre chose ; sinon qu'il
fault céder à Dieu ; pource qu'en vain on s'efforceroit d'y résister?
Car si nous obeyssons à Dieu, pource qu'il est nécessaire, quand
nous pourrons fuyr, nous cesserons de luy obeyr. Mais l'Escriture
25 veut bien que nous considérions autre chose eh la voulunté de
Dieu : à scavoir premièrement sa Justice et équité : puis après le
soing qu'il ha de nostre salut. Pourtant les exhortations Chrestiennessont
telles. Soit que povreté, ou bannissement, ou prison,
ou contumelie, ou maladie, ou perte de parens, ou autre adversi-
30 té nous tourmente : nous avons à penser, que rien de ces choses
n'advient, sinon par le vouloir et providenee du Seigneur.
D'avantage que iceluy ne faict rien, sinon d'une justice bien
ordonnée. Car quoy ? les péchez que nous commettons journellement
ne meritent-ilz pas d'estre chastiez plus asprement cent
35 mil'fois et de plus grande sévérité ; que n'est celle dont il use ?
N'est-ce pas bien raison que nostre chair soit domptée, et comme
acoustumée au joug, à ce qu'elle ne s'esgare point en intemperance,
selon que sa nature le porte ? La justice et vérité de
Dieu, ne sont elles pas bien dignes, que nous endurions pour